Jak ciapier vyhladaje Nacyjanalny histaryčny muziej, dzie na 80% vykanany budaŭniča-mantažnyja raboty
Budaŭnictva Nacyjanalnaha histaryčnaha muzieja ŭ stalicy na vuł. Arłoŭskaj idzie apieradžalnymi tempami, piša «Minsk-Naviny».
— Budaŭniča-mantažnyja raboty na hetym abjekcie ŭ cełym užo vykanany na 80%, — raskazaŭ načalnik učastka SU-7 «Budtresta № 4» Dźmitryj Charytonaŭ. — Całkam vyviedzieny kanstrukcyi budynka: na paŭdniovaj častcy — čatyry pavierchi, na paŭnočnaj — piać. Praktyčna hatovy dach pieršaha słoja; z 6 900 kv. m zastałosia pakłaści ŭsiaho 900 kvadrataŭ hidraizalacyi.
Jak adznačyŭ Charytonaŭ, prykładna na 60% płoščaŭ fasada vykanana ablicoŭka kieramahranitam.
— Ciapier zajmajemsia jaho ŭciapleńniem, zavieršana bolš za pałovu. Na abjekcie ŭžo vykarystana kala 30 tysiač kub. m bietonu, ubita 890 palaŭ, — raskazaŭ surazmoŭca.
Unutry muzieja amal zakončana tynkoŭka pavierchniaŭ.
— U ekspazicyjnych załach uładkoŭvajucca dvuchsłojnyja hipsakardonnyja pieraharodki z profilem i ŭciaplalnikam; u załach na 1— 4‑m pavierchach budaŭniki zalivajuć i šlifujuć palimiernyja padłohi. Užo prystupili da azdobnych rabot: na druhim i trecim pavierchach plitkaj z kieramahranitu ablicoŭvajucca padłohi i sanvuzły. Viaducca i malarnyja raboty, — dadaŭ Charytonaŭ. — U załach stvarajucca sučasnyja architekturnyja kampazicyi ź lapniny, kamieniu, plitki i inšych materyjałaŭ. U budynku mantujucca vielmi składanyja padviesnyja stoli; u faje jany trochuzroŭnievyja.
Akramia padraździaleńniaŭ hienpadradčyka «Budtresta № 4», na abjekcie zadziejničanyja rabotniki 23 subpadradnych arhanizacyj.
— Pa dobraŭparadkavańni prakładvajucca źniešnija sietki. Zastaŭsia nievialiki ŭčastak vodapravoda i liŭnievaj kanalizacyi, astatniaje ŭsio zroblena. U bližejšy čas taksama płanujecca zaviaršyć złučeńnie hałoŭnaha ŭvachoda z vulicy Arłoŭskaj z parkavaj zonaj. Prablem z zabieśpiačeńniem abjekta budaŭničymi materyjałami, technikaj i abstalavańniem niama. Hrafiki budaŭnictva Nacyjanalnaha histaryčnaha muzieja, jakoje pačałosia ŭ lutym minułaha hoda, vykonvajucca. Narmatyŭny termin — 24 miesiacy; idziom apieradžalnymi tempami, i, dumaju, vosieńniu budaŭniki zavieršać tut svaju pracu, — skazaŭ Charytonaŭ.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach1
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary