Miesca ŭ madelnym šerahu BMW pad litaraj Ch, što pustavała peŭny čas, zapoŭnienaje — 17 lipienia va ŭsim śviecie pačynajucca prodažy BMW X4. Adzin z aŭtamabilaŭ užo ŭ Minsku. Z 16 červienia jon dastupny patencyjnym klijentam dla test-drajvu.
Na hety siaredniepamierny spartyŭny siedan u vytvorcy asablivyja płany. Jak paviedamiŭ «Ježiednievniku» kiraŭnik adździeła prodažaŭ i markietynhu aficyjnaha imparciora BMW i MINI ŭ Biełarusi Ajvaras Piekšys, zavod u Spartamburhu (ZŠA), dzie vyrablajecca aŭtamabil, žorstka kvatuje imparcioraŭ, bo vialikaja cikaŭnaść da navinki, jakaja adkryła novuju nišu — krasovier-kupe. Pa pierakanańniach markietołaha, jeŭrapiejcy adčuli nieabchodnaść u nievialikim, ale jomistym aŭtamabili sa spartyŭnym charaktaram. U hetym hodzie Biełaruś atrymaje ŭsiaho 20 mašyn, na 7 ź jakich užo zroblenyja zajaŭki.
Prodažy startujuć 17 lipienia, pieršyja mašyny źjaviacca ŭ Biełarusi ŭ kancy leta. U liniejcy 6 matoraŭ (try bienzinavyja i try dyzielnyja) BMW EfficientDynamics mahutnaściu ad 135 kVt/184 ł.s. da 230 kVt/313 ł.s., standart Jeŭra-6. Košty ŭ Biełarusi — ad 45 550 eŭra za aŭtamabil z ruchavikom xDrive 20d (190 ł.s.) I 6-stupienistaj miechanikaj.
U Miensku «prymieryć» možna tolki topavuju viersiju z dyzielnym matoram xDrive30d — adziny BMW X4 u našaj krainie. Jaho košt u «bazie» — 62930 jeŭra, z ulikam ustalavanych opcyj — kala 90 tysiač jeŭra.
Pieršy ŭ Biełarusi BMW X4 apranuty ŭ kamuflaž, jaki chavaje dyzajn da pačatku aficyjnych prodažaŭ. «Ježiednievnik» sieŭ za rul, kali na ličylniku stajaŭ prabieh u 179 km.
Ehaist abo ehaistka?
Stvoranaja na adnoj płatformie z Ch3, «čaćviorka» pazicyjanujecca jak aŭtamabil dla ehaistyčnych adzinočak, maksimum — pary. Pytańnie tolki, ehaist abo ehaistka siaduć za rul. Adnaznačnaha adkazu niama — pieršym klijentam Minskaha šou-ruma, jaki pažadaŭ kupić Ch4, staŭ 30-hadovy mužčyna, druhi aŭtamabil abrała žančyna, za jakuju zapłacić muž.
Pry pieršaj sustrečy aŭtamabil nie stvaryŭ uražańnia «mužčynskaha» abo «žanočaha». Chutčej, spartyŭnaha — pakacisty dach u styli Sport Activity Coupé płaŭna spuskajecca da kanca viečka bahažnika.
Akcent — na ekałohiju, jakuju pakul nie nadta šanujuć u Biełarusi. Zatoje novyja technałohii abiacajuć ekanomić paliva. Auto Start/Stop, rekupieracyja enierhii tarmažeńnia, apcyjanalnyja šyny z pamienšanym supracivam kačeńnia i navat fary ź nizkim kaeficyjentam supracivu bierahuć kaštoŭnyja mililitry salarki abo bienzinu.
Sałon — adzin u adzin z Ch3 — estetyčnaha šoku nie vyklikaŭ, tut praktyčna nijakich źmien. Dziaŭčynkam vidavočna nie spadabajecca žorstki płastyk — hłamuru ŭ sałonie znajści nie ŭdałosia. Vyhoda kiravańnia bartavym kampjutaram padčas ruchu i poŭnakalarovy dyspłej, jaki vydaje dadzienyja ab chutkaści na łabavoje škło z mahčymaściu adrehulavać pakazčyk ŭvierch-uniz pad rost kiroŭcy, acenim krychu paźniej.
Zatoje ŭ kupe akazałasia niečakana prastorna: nohi zadnich pasažyraŭ nie ŭpirajucca ŭ śpinki kresłaŭ, dach nie ciśnie na hałavu. Tut ź lohkaściu mohuć raźmiaścicca 4 čałavieki z bahažom.
Bahažnik pamienšyŭsia da 500 ł (minus 50 ł ad Ch3), zadnija kresły składvajucca ŭ praporcyi 40/20/40, adkryvajučy prastoru ŭ 1400ł. Adkryvajecca viečka bahažnika z sałona, začyniajecca knopkaj na viečku — ruki zastajucca čystymi.
Usio dla drajvu, usio dla pieramohi
Razhledzieć vyštampoŭku kuzava, jakaja ŭpieršyniu padzialajecca na dźvie častki, nie atrymałasia — kamuflaž. Zastajecca sieści za rul.
Abjektyŭnaści ŭ acency chadavych jakaściaŭ chapiła na niekalki siekund — pakul «čaćviorka» nie razahnałasia da zabaronienaj chutkaści. Pra toje, što BMW pieravyšaje dazvalenuju chutkaść, nahadała ličba, jakaja sprajecyjavałasia na łabavoje škło. «Jak, užo 100 km/hadzinu?» — dzivišsia sama sabie, ale nie śpiašaješsia dakranacca da piedali tormazu. — «Nu, treba ž — a pa adčuvańniach, niby ciahniešsia ŭ haradskim patoku».
Praca 6-cylindrovaha matora xDrive30d abjomam 3.0 amal biasšumnaja. Nahadaju: heta dyzielny mator, huk jakoha zvyčajna dobra čutny kiroŭcu. Ale tolki nie tut — šuma- i vibraizalacyja ŭ «čaćviorki» idealnaja. I nie tolki. Pad kapotam 258 koniej, mahutnaść — 560 Nm, razhon da 100 km / hadzinu — 5,8 siekundy. Chutčejšaja za hetuju madel tolki viersija z ruchavikom xDrive35i — 5,5 siekund.
Spartyŭny rul u spartanskim płastyku idealna loh u ruki. Zrešty, azdableńnie nie maje značeńnia, kali aŭtamabil na chutkaści lohka ŭvachodzić u pavarot — dla ŭstojlivaści ŭ Ch4 apuščany klirens. Ustojlivy i čepki — tak, napeŭna, kažuć aŭtahonščyki pra svaje mašyny. Hetymi ž słovami možna apisać i Ch4, z ŭdakładnieńniem — navat kiroŭca ź siarednimi zdolnaściami adčuvaje siabie za rulom nadziejna.
Testavy aŭtamabil abstalavany spartyŭnaj karobkaj-aŭtamat, tut čatyry standartnyja režymy — Eco, Comfort, Sport, Sport+.
Eco i Comfort padyduć dla žančyny: aŭtamabil dalikatna «pahłynaje» niaroŭnaści na darozie, kiravańnie lohkaje. Pry ruchu ŭ hetych režymach strełka tachomietra padaje da 1,2 tys./Ab. Chočaš razahnacca — daviadziecca pačakać niekalki siekund, pakul nie «pračniecca» aŭtamat. Ledź spynišsia — spracoŭvaje sistema Stop/Start.
U Sport i Sport+, raźličanych na mužčyn, usio inakš. Rul i piedal hazu «vostryja», tachomietr nie padaje nižej za 2 tys./Ab, najmienšy nacisk na piedal hazu — aŭtamabil paskarajecca, pry spynieńni Stop/Start ni razu nie spracavaŭ — ruchavik pracavaŭ u zvyčajnym režymie.
Krosovier-kupe pazicyjanujecca jak aŭtamabil dla horada i ŭmoŭ «lohkaj nieprachodnaści» — u Ch4 ustalavana intelektualnaja sistema poŭnaha pryvada, jak u novaha Ch5. Test pa prasiołkavaj darozie atrymaŭsia: Ch4 dobry nie tolki na asfalcie. U režymie Comfort vyboiny nie adčuvalisia, aŭtamabil išoŭ jak pa roŭnaj darozie.
Kresła ŭ testavym aŭtamabili niazvykłaha karyčnievaha koleru. Na naš pohlad, nie asabliva spałučajecca z čornym sałonam, ale cikaviej, čym tradycyjny čorny, jaki zvyčajna zakazvajuć pakupniki Ch-sieryi ŭ Biełarusi. Samyja raspaŭsiudžanyja kolery kresłaŭ i kuzava — čorny i bieły.
Zastajecca dumać, što dla ŭładalnika BMW unutranaje źmieściva aŭtamabila značyć značna bolš, čym jaho źniešni vyhlad. U Ch4 jano na ŭzroŭni. Tamu, pa zdahadkach «Ježiednievnika», 20 mašyn, jakija ŭdałosia atrymać biełaruskim dyleram, razyducca zadoŭha da kanca hoda. Cikava, kolki haspadaroŭ Ch3 i Ch6 vyrašać pierasieści na «čaćviorku» ŭ 2015 hodzie?
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary