Premjer-ministr Arsień Jacaniuk ličyć vysokimi šancy Ukrainy damahčysia pazityŭnaha rašeńnia pa hazavaj sprečcy z rasijskim «Hazpramam» u Stakholmskim arbitražy.
Pra heta jon zajaviŭ, vystupajučy na pasiadžeńni Kabinieta ministraŭ 16 červienia.
«Ličym, što sudovyja pierśpiektyvy ŭ nas vielmi i vielmi vysokija, — skazaŭ kiraŭnik urada. — Naša rašeńnie pa abaronie Ukrainy, našaj niezaležnaści i našych hramadzian źjaŭlajecca adzina viernym. Na rasijski cisk my paddavacca nie budziem. I pa načach ź imi ŭsiakija papiery padpisvać nie budziem, boo hetyja papiery mohuć miljardami dalaraŭ vyleźci. Prazrystyja publičnyja pieramovy my praviali, i dalej my pravodzim našu palityku ŭ tym ža farmacie — ščyra, adkryta, prazrysta, na rynkavych umovach razam z pazicyjaj jeŭrapiejskich partnioraŭ».
Taksama jon zajaviŭ, što Ukraina nie budzie štohod datavać «Hazprom» na sumu bolš za 5 młrd dalaraŭ, mienavita stolki, na dumku ŭkrainskaha boku, «Naftahaz» pierapłačvaje za pastaŭki rasijskaha paliva pa zavyšanych cenach.
«My nie budziem datavać rasijski «Hazprom». Ukraincy nie buduć vyciahvać z kišeniaŭ 5 młrd dalaraŭ ZŠA ŭ hod, kab Rasija kuplała na hetyja srodki zbroju, tanki, samaloty i bambiła ŭkrainskuju terytoryju», — skazaŭ premjer.
Kamientary