Na hetych vychodnych ja apynuŭsia u vialikim horadzie Mahilovie. Jechaŭ ja ź Minska i skažu, što dla mianie hetaja pajezdka była davoli taki doŭhaj. Ciahnikom ja jechaŭ ź Minska hadziny try. I voś ja tut!
Ščyra kažučy, pa pryjeździe na vakzał ja byŭ trochi rasčaravany. Składałasia ŭražańnie, što ja nie pabaču toj «druhi Minsk», jak mnie hetaha chaciełasia. Vakoł stajali damy sa starymi dachami, a vakzalnyja prybiralni z vyłamanymi dźviaryma stvarajuć žachlivyja ŭražańni. Zatoje na vakzale majecca kazino «Viehas», tak što turystam jość dzie «prasadzić» usie hrošy.
Na vakzale ja sieŭ u 4-ty tralejbus i adpraviŭsia ŭ centr. Adrazu kinułasia ŭ vočy toje, što niama tabličak «PRACUJE KANDUKTAR», a sami kanduktary jość. Ja i ŭ inšych haradach takoje zaŭvažaŭ, ale było dziŭna mienavita ŭ Mahilovie takoje pabačyć.
U centry ja znajšoŭ miesca pad nazvaj «Burger Pizza», dzie i vyrašyŭ paśniedać. Sałat Cezar, sup z šampińjonaŭ i višniovy sok abyšlisia mnie ŭ 90 tysiač, što davoli doraha.
Zatoje ŭ centry horada na piešachodnaj vulicy možna ŭziać tanna rovar naprakat -– 30 tysiač za hadzinu, nastupnaja hadzina + 10 tysiač.
Pieršym padčas svajoj rovarnaj vandroŭki pa Mahilovie ja pabačyŭ Dramatyčny teatr, jaki ŭraziŭ svajoj architekturaj. Zdavałasia, što jon navat bolš za minski Kupałaŭski.
Dalej ja pajechaŭ na płošču Svabody, dzie pabačyŭ haradskuju Ratušu.
Adtul ža adkryvajecca pryhožy vid na horad.
Asablivaj uvahi zasłuhoŭvaje vykankam. Ničoha nie nahadvaje? A ciapier zdahadajciesia, dzie čyj…
Cikava, što pa ŭsim horadzie stajać nievialičkija «Łaŭki», dzie možna nabyć fahacini i kruasany. Hetyja łaŭki vielmi nahadvajuć šapiki z kiebabami ŭ Polšy i Litvie.
A jašče ŭ Mahilovie vielmi šmat hrafici, i, pakataŭšysia pa horadzie, ja zaŭvažyŭ voś takuju razmalavanuju vulicu.
I kaniečnie, ja nie moh nie zaŭvažyć pasiarod horada ścieny, abklejenyja płakatami Lapisaŭ z bas-turami ŭ Picier. Tak simvalična heta vyhladała.
Kali padvieści nievialiki vynik, to treba adznačyć, što horad vielmi pryhožy i ŭtulny dla žycharoŭ. A kali kazać pra turystyčny Mahiloŭ — tut vialikija prablemy. Pavandravaŭšy ŭ žyłych rajonach, vy ničoha cikavaha nie znojdziecie, turystyčny Mahiloŭ — heta centr horada. Ale dla taho, kab kančatkova ŭpeŭnicca ŭ hetym, treba paraŭnać Mahiloŭ ź inšymi haradami, da čaho ja i budu imknucca.
Kamientary