Školnik praz try hady paznaŭ mužčynu, jaki prystavaŭ da jaho
U Minsku zatrymany 59-hadovy mužčyna, jaki padazrajecca ŭ ździajśnieńni hvałtoŭnych dziejańniaŭ seksualnaha charaktaru.
Incydent adbyŭsia ŭ žniŭni 2011 hoda. Tady ŭ milicyju źviarnulisia baćki 10-hadovaha chłopčyka z zajavaj, što nieviadomy mužčyna sprabavaŭ leźci da ich syna ŭ dvary doma. Była zaviedziena kryminalnaja sprava pa fakcie chulihanstva. Praź niekatory čas rasśledavańnie pa kryminalnaj spravie prypynili.
Adnak praz try hady chłopčyk, vyjšaŭšy na vulicu, ubačyŭ na łaŭcy kala doma mužčynu, jaki čaplaŭsia da jaho try hady tamu. Školnik paviedamiŭ pra heta baćkam, tyja vyklikali milicyju.
Padazravany zatrymany. Jon nidzie nie pracuje, raniej nie sudzimy. U ciapierašni čas Frunzienskim rajonnym adździełam Śledčaha kamiteta rasśledavańnie pa kryminalnaj spravie adnoŭlena. Dziejańni padazravanaha pierakvalifikavanyja jak hvałtoŭnyja dziejańni seksualnaha charaktaru ŭ dačynieńni da zaviedama małaletniaha.
Pavodle kryminalnaha zakanadaŭstva, zatrymanamu pahražaje pakarańnie ŭ vyhladzie pazbaŭleńnia voli na termin ad 8 da 15 hadoŭ.
Śledčyja praviarajuć dačynieńnie padazravanaha da ździajśnieńnia anałahičnych złačynstvaŭ.
Usich, kamu-niebudź viadoma pra zatrymanaha, albo čyje dzieci paciarpieli ad jaho supraćpraŭnych dziejańniaŭ, prosiać źviartacca ŭ Frunzienskaje RUUS Minska asabista albo pa telefonach: (044) 751-09-98, (017) 252-02-02 abo 102. Kanfidencyjalnaść harantujecca.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary