Школьнік праз тры гады пазнаў мужчыну, які прыставаў да яго
У Мінску затрыманы 59-гадовы мужчына, які падазраецца ў здзяйсненні гвалтоўных дзеянняў сэксуальнага характару.
Інцыдэнт адбыўся ў жніўні 2011 года. Тады ў міліцыю звярнуліся бацькі 10-гадовага хлопчыка з заявай, што невядомы мужчына спрабаваў лезці да іх сына ў двары дома. Была заведзена крымінальная справа па факце хуліганства. Праз некаторы час расследаванне па крымінальнай справе прыпынілі.
Аднак праз тры гады хлопчык, выйшаўшы на вуліцу, убачыў на лаўцы каля дома мужчыну, які чапляўся да яго тры гады таму. Школьнік паведаміў пра гэта бацькам, тыя выклікалі міліцыю.
Падазраваны затрыманы. Ён нідзе не працуе, раней не судзімы. У цяперашні час Фрунзенскім раённым аддзелам Следчага камітэта расследаванне па крымінальнай справе адноўлена. Дзеянні падазраванага перакваліфікаваныя як гвалтоўныя дзеянні сэксуальнага характару ў дачыненні да заведама малалетняга.
Паводле крымінальнага заканадаўства, затрыманаму пагражае пакаранне ў выглядзе пазбаўлення волі на тэрмін ад 8 да 15 гадоў.
Следчыя правяраюць дачыненне падазраванага да здзяйснення аналагічных злачынстваў.
Усіх, каму-небудзь вядома пра затрыманага, альбо чые дзеці пацярпелі ад яго супрацьпраўных дзеянняў, просяць звяртацца ў Фрунзенскае РУУС Мінска асабіста альбо па тэлефонах: (044) 751-09-98, (017) 252-02-02 або 102. Канфідэнцыяльнасць гарантуецца.
Цяпер чытаюць
Эйсмант: Статкевіча памілавалі ўжо паўгода назад, але тады ён вярнуўся ў турму14
Каментары