Pucin prylacić u Minsk na adkryćcio Muzieja Vialikaj Ajčynnaj vajny
Alaksandr Łukašenka i Uładzimir Pucin voźmuć udzieł u cyrymonii adkryćcia novaha budynka Biełaruskaha dziaržaŭnaha muzieja historyi Vialikaj Ajčynnaj vajny ŭ Minsku 2 lipienia. Ab hetym paviedamiŭ namieśnik ministra kultury Vasil Černik.
Cyrymonija prymierkavanaja da 70-hodździa vyzvaleńnia Biełarusi ad niamiecka-fašysckich zachopnikaŭ.
Płošča muzieja zojmie 27 tysiač kvadratnych mietraŭ. U muziei budzie arhanizavana 10 ekspazicyjnych załaŭ.
Pavodle słovaŭ namieśnika ministra, u adroźnieńnie ad staroha muzieja, ekspazicyja ŭ novym budynku nie abmiažoŭvajecca pieryjadam Druhoj suśvietnaj vajny, a achoplivaje histaryčny adrezak z 1920 hoda da 1950-ha.
Biełaruś zapłaciła ŭ toj vajnie strašnuju canu. Taktyka tatalnaj vajny zrabiła ź Biełarusi vypalenuju ziamlu. Tolki ŭ 1970-ja hady naša kraina dasiahnuła pieradvajennaj kolkaści nasielnictva.
U starym muziei, jak i ŭ školnych padručnikach, historyja vajny padavałasia z savieckich pazicyj. Zamoŭčvalisia stalinskija represii, pamyłki savieckich pałkavodcaŭ. Na historyju hladzieli z pazicyi SSSR i Rasii, a nie Biełarusi.
Savieckaja viersija historyi chavaje toj fakt, što vajna pačałasia z pakta Mołatava i Rybientropa, a savieckija i nacysckija vojski ŭ 1939 navat praviali supolny parad u Breście. Biazdarnaja palityka Stalina pryviała da taho, što nacysty zachapili Biełaruś za niekalki tydniaŭ.
Ciapier Biełaruś mahła b stać niejtralnaj, jak Finlandyja. Ale Pucin uciahvaje našu krainu ŭ svaju arbitu. Častkaj hetaj palityki budzie i dadzieny vizit.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary