Tymčuk: Kiepskija i dobryja naviny z Ukrainy za 9 lipienia
U zonie ATA zachoŭvajecca napružanaja situacyja. Najbolš niestabilnaje stanovišča adznačajecca ŭ rajonie Daniecka, Horłaŭki, Łuhanska, Antracyta, Sievieradaniecka.
Paŭsiudna terarysty pravodziać miniravańnia daroh, pa jakich siły ATA ažyćciaŭlajuć pieramiaščeńnie asabovaha składu i techniki, a taksama ažyćciaŭlajuć zabieśpiačeńnie padraździaleńniaŭ.
Tak, kala Čiervonaj Zary (Danieckaja vobłaść) na fuhasie padarvaŭsia BTR-80 sił ATA. 5 siłavikoŭ atrymali ranieńni.
U hetym ža rajonie taksama na fuhasie padarvałasia BMP-2. U bajavoj mašynie zdetanavaŭ bojezapas. 2 vajennasłužačych zahinuli, 6 paranienyja.
Akramia taho, terarysty ažyćciavili minamiotny abstreł punkta propusku «Daŭžanski». Taksama suprać siłavikoŭ pracavali snajpiery bajevikoŭ. 5 vajskoŭcaŭ paranienyja.
U zasadu patrapiła kałona sił ATA. 1 vajskoviec zahinuŭ, 3 paranienyja.
Na praciahu nočy bajevikami byli abstralanyja 5 błokpastoŭ sił ATA ŭ roznych rajonach Danieckaj i Łuhanskaj abłaściej. Adzin siłavik atrymaŭ ranieńni.
Terarystami ich RSZA BM-21 «Hrad» abstralanyja pazicyi sił ATA kala pasiołka Mietalist blizu Łuhanska. Usie vypuščanyja reaktyŭnyja snarady prajšli mima pazicyj. Paciarpiełych niama.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary