Časovy kiraŭnik UPC Maskoŭskaha patryjarchata zaklikaje sieparatystaŭ skłaści zbroju
Časovy (paśla śmierci mitrapalita Uładzimira) kiraŭnik Ukrainskaj pravasłaŭnaj carkvy Maskoŭskaha patryjarchatu (UPC MP) — mitrapalit Čarnavicki i Bukavinski Anufryj (Bierazoŭski) — zaklikaŭ sieparatystaŭ va Ukrainie skłaści zbroju.
«Situacyja na ŭschodzie Ukrainy praciahvaje zastavacca napružanaj. U suviazi z apošnimi padziejami ŭ rehijonie źviartajemsia da ŭsich, chto niezakonna trymaje ŭ rukach zbroju, z zaklikam skłaści jaje i spynić krovapralićcie», — pryvodzić «Interfaks» tekst zajavy, jakuju mitrapalit Anufryj zrabiŭ ad imia Usieŭkrainskaj rady cerkvaŭ.
Jak paviedamiła pres-słužba UPC MP, Rada taksama zaklikała vyzvalić usich zakładnikaŭ, u tym liku śviataroŭ, i akazać ŭsiebakovuju dapamohu paciarpiełym ad uzbrojenaha kanfliktu.
«Iznoŭ padkreślivajem zajaŭlenuju nami raniej pazicyju, što terytaryjalnaja cełasnaść Ukrainy, niezaležnaść jakoj padaravana nam Boham, źjaŭlajecca kaštoŭnaściu dla našaha naroda,
a tamu dapuścić jaje padziełu my nie majem prava, bo heta hrech pierad Boham i budučymi pakaleńniami našaha naroda», — skazana ŭ dakumiencie.
Usieŭkrainski saviet cerkvaŭ asudziŭ taksama dyskryminacyju viernikaŭ Danieckaj i Łuhanskaj abłaściej, zachop relihijnych budynkaŭ i vykarystańnie ich va ŭzbrojenym kanflikcie, «jakimi b matyvami heta ni apraŭdvałasia».
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary