«Z boku Rasii» ŭžyvajucca «Hrady» i zienitnyja rakiety. Tamu rychtujecca «pieradysłakacyja» i, mahčyma, častkovaja mabilizacyja.
Prezident Ukrainy Piatro Parašenka pravioŭ pasiadžeńnie Rady nacyjanalnaj biaśpieki i abarony. «My majem pramyja i dakazanyja vypadki adkryćcia suprać Ukrainy ahniu z terytoryi Rasijskaj Fiederacyi. Jość videadokazy, jość nieabvieržnyja raźliki, pakazańni, spadarožnikavyja fotazdymki, inšaja dokaznaja baza», — paviedamiŭ Parašenka.
Na siońnia ŭkraincam supraćstaić praciŭnik, jaki maje na ŭzbrajeńni macniejšyja sistemy załpavaha ahniu i supastaŭnyja sistemy SPA.
Pa słovach prezidenta Ukrainy, jość dokazy prymianieńnia z boku Rasiei sistem załpavaha ahniu «Hrad», zienitna-rakietnych sistem suprać samalotaŭ. «Heta pieravodzić kanflikt u zusim inšuju płoskaść», — skazaŭ Parašenka.
Parašenka chvaliŭ siłavikoŭ, častka jakich apynułasia ŭ faktyčnym atačeńni na ŭkrainska-rasijskaj miažy: «Mužnaść i hieraizm ukrainskich voinaŭ, jakija ŭtrymlivajuć pad ahniavym kantrolem rasijska-ŭkrainskuju miažu, — dzivosnaja. My hanarymsia našymi desantnikami 79 bryhady, našymi motastrałkami 72-j bryhady, našymi śpiecnazaŭcami».
Asobna jon adznačyŭ padraździaleńnia Nacyjanalnaj hvardyi, jakija «rašuča supraćstajali ŭ bai praciŭniku, jaki byŭ identyfikavany jak rasijskija vajskoŭcy». «Jany ŭdałym manieŭram adyšli na aporny punkt i nie tolki abaranili, sarvali apieracyju praciŭnika, ale i pierajšli ŭ nastup», — skazaŭ prezident.
Parašenka paviedamiŭ, što tolki za ŭčorašni dzień byli źbityja 3 ŭkrainskija samaloty.
«Majsterstva našych lotčykaŭ dazvoliła zachavać dva samaloty, my stracili tolki adzin samalot, dva pasadzili na aeradrom, i ja pryniaŭ rašeńnie ab pradstaŭleńni da dziaržaŭnych uznaharod abodvuch piłotaŭ», — paviedamiŭ jon.
Prezident paviedamiŭ, što pa jaho daručeńni Hienieralny štab ciapier płanuje pieradysłakacyju vojskaŭ.
«My mianiajem taktyku, jakaja dazvolić nam jakasna dziejničać va ŭmovach niepasrednaha pryciahnieńnia uzbrojenych sił zamiežnych dziaržaŭ», - skazaŭ jon.
Kiraŭnik dziaržavy adznačyŭ, što na pasiadžeńni SNBA budzie praanalizavana mahčymaść i nieabchodnaść častkovaj mabilizacyi.
Taksama na pasiadžeńni budzie zasłuchany staršynia dziaržaŭnaha kancerna «Ukrabaronpram» Raman Ramanaŭ. Krainy Zachadu admovilisia pastaŭlać Ukrainie vajskovuju techniku, tamu kraina moža raźličvać tolki na ŭłasnuju abaronku.
«Rašučaja vola našaha naroda da pieramohi abaviazkova pryviadzie da pieramohi», — skazaŭ Parašenka.
-
Na trochbakovaj sustrečy ŭ Abu-Dabi siońnia budzie abmiarkoŭvacca pytańnie terytoryj
-
Kiraŭnik Kuzbasa vybačyŭsia za abvinavačańnie maci ŭ hibieli niemaŭlataŭ u Novakuźnieckim radzilnym domie
-
Paŭdniovaja Kareja pieršaj u śviecie pačała rehulavać štučny intelekt. Ciapier tam abaviazkova markirujuć ŠI-vyjavy
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni3
Kamientary