Hienieralnym padradčykam prajekta vystupaje tureckaja kampanija Renaissance Construction.
Inviestycyjny dahavor na budaŭnictva kompleksu Galleria Minsk, u skład jakoha ŭvojdzie 20-paviarchovy hatel Double Tree Chiłtan, bujny handlovy centr i parkinh na tysiaču miescaŭ, byŭ padpisany jašče ŭ 2011 hodzie. Pieršapačatkova prajekt mierkavałasia realizavać da pačatku čempijanatu śvietu pa chakiei, adnak terminy zdačy źmianilisia. Zaraz budaŭniki płanujuć zdać budynak u ekspłuatacyju nie paźniej leta 2015 hoda.
Jak adznačyŭ dyrektar pradstaŭnictva Renaissance Construction Ajdahan Artač, košt abjekta aceńvajecca prykładna ŭ $150 miljonaŭ, ź jakich bolš za $103 miljony ŭ vyhladzie kredytu vydzieliŭ «Śbierbank Rasii».
Kompleks Galleria Minsk, pa słovach zakazčyka - kampanii «Halereja Kancept», budzie nie tolki darahim, ale i unikalnym dla Biełarusi. Tak, niekatoryja ścieny budynka ablicavanyja teksturnym škłom, a na fasadzie z boku praśpiekta Pieramožcaŭ ustalujuć samy vialiki ŭ krainie multymiedyjny ekran šyrynioj bolš za 25 i vyšynioj bolš za 13 mietraŭ. Taksama na płoščach kompleksu raźmieścicca supiermarkiet, bolš za 150 kram, restarany i samy vialiki minski fudkort.
Kamientary