Kiraŭniki MZS Biełarusi i Litvy abmierkavali pytańni paskareńnia pracedury vydačy viz, palapšeńnia pahraničnaj infrastruktury i inšyja temy.
Pieramovy ministraŭ zamiežnych spraŭ Biełarusi i Litvy Uładzimira Makieja i Linasa Linkiavičusa adbylisia 25 lipienia ŭ miežach dvuchdzionnaha rabočaha vizitu kiraŭnika źniešniepalityčnaha viedamstva Litvy ŭ Minsk.
«Baki pradmietna abmierkavali šyrokaje koła pytańniaŭ biełaruska-litoŭskaha supracoŭnictva», — adznačaje MZS. Akramia inšaha abmiarkoŭvałasia padrychtoŭka čarhovaha biełaruska-litoŭskaha ekanamičnaha forumu, praviadzieńnie jakoha płanujecca ŭ Biełarusi sioleta ŭvosień.
«Asobna byŭ razhledžany błok pytańniaŭ, źviazanych z efiektyŭnym vykarystańniem tranzitnaha patencyjału dźviuch krain i mahčymaściaŭ ich transpartnych sistem.
Baki padrabiazna abmierkavali praktyčnyja pytańni palapšeńnia pahraničnaj infrastruktury na sumiesnaj miažy i paskareńnia pracedury vydačy viz», — havorycca ŭ paviedamleńni.
«U kantekście adnosin pa linii Biełaruś — ES biełaruski bok padkreśliŭ, što razhladaje inicyjatyvu «Uschodniaje partniorstva» ŭ jakaści važnaha farmatu dyjałohu i ŭzajemadziejańnia ź Jeŭrasajuzam, — paviedamlaje pres-słužba MZS. — Razam z tym z ulikam raźvićcia situacyi ŭ rehijonie i roznaskiravanych intehracyjnych pamknieńniaŭ krain-partnioraŭ hetaja inicyjatyva maje patrebu ŭ pierafarmatavańni, kab paźbiehnuć dyskryminacyjnaha padychodu da jaje ŭdzielnikaŭ. Była padkreślena važnaść pavyšeńnia praktyčnaj addačy Uschodniaha partniorstva dla hramadzian».
Ministry zamiežnych spraŭ Biełarusi i Litvy taksama «zakranuli asnoŭnyja temy mižnarodnaha paradku dnia, uklučajučy pytańni rehijanalnaj biaśpieki», adznačajecca ŭ paviedamleńni.
Napiaredadni, 24 lipienia, Linasa Linkiavičusa pryniaŭ premjer-ministr Biełarusi Michaił Miaśnikovič.
«Asnoŭnymi temami sustrečy stali pytańni handlova-ekanamičnaha supracoŭnictva dźviuch krain, realizacyi sumiesnych inviestycyjnych prajektaŭ», — paviedamlaje MZS.
25 lipienia paśla sustrečy z Makiejem litoŭski ministr sustreŭsia z pradstaŭnikami apazicyi, hramadzianskaj supolnaści i svajakami palitźniavolenych.
Ź biełaruskaha boku ŭ joj udzielničali Anatol Labiedźka, Aleś Bialacki Alaksandr Kazulin, Stanisłaŭ Šuškievič, Pavieł Sieviaryniec, Vincuk Viačorka, Uładzimir Niaklajeŭ, Aleh Hułak, Alaksiej Janukievič, Alaksandr Arastovič, Natalla Pinčuk, Maryna Łobava, Maryna Adamovič, Iryna Vieštard.
Jak paviedamiŭ na svajoj staroncy ŭ «Fejsbuku» pierad pačatkam sustrečy lidar Abjadnanaj hramadzianskaj partyi Anatol Labiedźka, płanujecca abmierkavać takija pytańni, jak vyzvaleńnie i reabilitacyja palitźniavolenych, praviadzieńnie svabodnych i spraviadlivych vybaraŭ pavodle standartaŭ ABSIE, płan madernizacyi dla Biełarusi, a taksama novyja mahčymaści dla biełarusaŭ u ES (palahčeńnie vizavaha režymu, raźvićcio pamiežnaj infrastruktury, adukacyjnyja prahramy).
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni34
Kamientary