Samyja darahija kvatery kuplajuć u «Słavianskim kvartale» i domie Čyža
Ceny dachodziać da $615 tysiač.
Za druhi kvartał 2014 hoda hučnych kuplaŭ na biełaruskim rynku nieruchomaści nie było. Popytam pieradusim karystajucca tannyja kvatery.
Pavodle dadzienych Nacyjanalnaha kadastravaha ahienctva, ahułam za try miesiacy było pradadziena 10065 kvater. Heta na 15% mienš, čym letaś za anałahičny pieryjad.
Samaja darahaja z kvater kaštavała $615 tysiač.
Za takija hrošy była nabytaja staličnaja čatyrochpakajoŭka ŭ «Słavianskim kvartale» — heta žyllovy kompleks nasuprać novaha muzieja Vialikaj Ajčynnaj vajny. Za kožny kvadratny mietr kvatery daviałosia zapłacić $4200.
Siarod rublovych kuplaŭ pieršaje miesca zaniała kvatera ŭ «domie Čyža», $580 tysiač u ekvivalencie. Taksama čatyrochpakajoŭka, ale bolšaj płoščy. Haspadarom staŭ dyrektar adnoj ź lizinhavych kampanij, kvadratny mietr kaštavaŭ jamu $2830.
A voś samym darahim pradadzienym domam staŭ katedž u Drazdach.
Za dvuchpaviarchovik ahulnaj płoščaj 563 m2 arabski stamatołah zapłaciŭ $650 tysiač u ekvivalencie — niamnoha, bo za padobnyja susiednija damy prosiać udvaja, a to i ŭtraja bolš.
Samyja darahija kvatery ŭ rehijonach
Brestčyna. Dva hady tamu na vulicy Karła Marksa ŭ Breście razabrali dva budynki, jakija byli zaniesienyja ŭ śpis historyka-kulturnych kaštoŭnaściaŭ. Kampanija «Budaŭničy raj» (nazva pa-rasiejsku) adsialiła raniejšych žycharoŭ, a ciapier raspradaje kvatery ŭ rekanstrujavanych damach. Najdaražejšaja, trochpakajoŭka płoščaj pad 150 m2, kaštavała kala $170 tysiač.
Viciebščyna. Kvatery ŭ abłasnym centry pradavali pa nizkaj canie, tamu ŭ lidarach apynułasia nieruchomaść u Oršy. Za trochpakajoŭku ŭ cahlanym šmatpaviarchoviku praz darohu ad ladovaha pałaca pakupnica z Rasii addała $97 tysiač.
Homielščyna. Pa adnolkavaj canie — $100 tysiač — byli nabytyja trochpakajoŭka na praśpiekcie Lenina i čatyrochpakajoŭka na vulicy Telmana. Kvadratny mietr u druhoj z kvater kaštavaŭ $1000. Dla Minska heta śmiešnyja ličby, ale dla abłasnoha centra — siarednija.
Hrodzienščyna. Padobny ŭzrovień cenaŭ i ŭ Hrodnie. Za $101 tysiaču rasiejec nabyŭ trochpakajoŭku ŭ panelcy na praśpiekcie Janki Kupały.
Minščyna. U pryharadach stalicy ceny na kvatery dachodziać da $200 tysiač. Pasiołak Soniečny znachodzicca za niekalki kiłamietraŭ ad MKAD, ale farmalna naležyć da Minskaj vobłaści. Za trochpakajovuju kvateru z tryma tualetami haspadary addali $207 tysiač. Adnak za košt vialikaj płoščy kvadratny mietr akazvajecca nie takim užo i darahim — $1370. Pa padobnaj canie byli pradadzienyja jašče niekalki kvater u Soniečnym, a taksama ŭ Kopiščy. Heta vioska pad Minskam.
Mahiloŭščyna. $120 tysiač — stolki zapłaciŭ novy haspadar čatyrochpakajoŭki na bulvary Lenina ŭ Mahilovie. Zrešty, žyllo ŭ namienkłaturnym domie, pabudavanym ŭ siaredzinie XX stahodździa, nie moža kaštavać mała.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary