Zatrymańniem moładzievych aktyvistaŭ zaviaršyłasia 25 listapada akcyja salidarnaści z palityčnymi źniavolenymi na Kastryčnickaj płoščy ŭ Miensku.
Zatrymańniem moładzievych aktyvistaŭ zaviaršyłasia 25 listapada akcyja salidarnaści z palityčnymi źniavolenymi na Kastryčnickaj płoščy ŭ Miensku.
Jak paśpieŭ paviedamić našamu radyjo namieśnik staršyni moładzievaj struktury AHP «Maładyja demakraty» Michaił Paškievič, aktyvisty arhanizacyi mieli namier pavinšavać Alaksandra Kazulina z dniom naradžeńnia, a taksama nahadać miančanam pra toje, što Biełaruś — apošniaja kraina ŭ Eŭropie, dzie jość palityčnyja źniavolenyja.
«My naŭmysna nidzie nie afišavali času praviadzieńnia akcyi, rychtavalisia da jaje vyklučna siłami «Maładych demakrataŭ», ale, praŭdapadobna, na adnym z etapaŭ zdaryŭsia vyciek infarmacyi», — paviedamiŭ Michaił Paškievič.
Pavodle jaho słovaŭ, na momant pačatku akcyi a 14‑j hadzinie na Kastryčnickim placy było niekalki dziasiatkaŭ ludziej u cyvilnym.
Michaiła Paškieviča zatrymali ŭ toj momant, kali jon pačaŭ dastavać z zaplečnika partrety palitźniavolenych. Razam z Paškievičam byli zatrymanyja čalcy «Maładych demakrataŭ» Michaił Kryvaŭ, Siarhiej Klujeŭ i Kanstancin Simankoŭ. Ich dastavili ŭ Centralny RAUS Miensku, adkul praz peŭny čas vypuścili, nie składajučy pratakołaŭ.
Astatnich udzielnikaŭ akcyi, užyŭšy siłu, z Kastryčnickaha placu vycisnuli bajcy specnazu.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ34
Kamientary