Biełaruś naviedali pradstaŭniki France Telecom Group, adnaho ź viadučych suśvietnych aperataraŭ suviazi – TM Orange.
Vice‑prezydent FTG pa raźvićciu ŭ Eŭrazii, Žan‑Mišel Ser raspavioŭ pra pracu France Telecom Group, a taksama paviedamiŭ pra jaje zacikaŭlenaść u dziejnaści na terytoryi Biełarusi. Pra kankretnyja intaresy hrupy ŭ Biełarusi naŭprost nie paviedamlałasia. Ale zvažajučy na padrychtoŭku da demanapalizacyi Biełtelekamu, nie vyklučajecca versija, što kampanija maje zacikaŭlenaść u sektary šyrokapałosnych internet‑pasłuhaŭ (ADSL), paviedamlaje tut.by.
Vierajemna, što FTG cikavicca taksama rynkam sotavaj suviazi, i intares hety najpierš padahrety niadaŭnim vychadam na biełaruski Telekom Austria. I tut patencyjna cikavymi dla francuskaha telekom‑hihanta mohuć być BieST i BiełSieł, zvažajučy na toje, što svaju dolu ŭ miascovym MTS kiraŭnictva Biełarusi naŭrad ci sastupić kamuści, akramia rasiejskaha suzasnavalnika. Adnak, pamiatajučy sytuacyju vakoł VELCOM, nia varta śpiašacca z kamentarami i prahnozami.
Pavodle stanu na 30 červienia 2007 h. adzi ź viadučych suśvietnych aperataŭ suviazi France Telecom Group absłuhozvaŭ bolš za 163 miljonaŭ abanentaŭ na piaci kantynentach, z katorych dźvie trecija — pad brendam Orange. Ahulny abjom prodažaŭ hrupy skłaŭ 51,7 młrd eŭra ŭ 2006 h. i 25,9 młrd eŭra na 1 vieraśnia 2007 h. 30 červienia 2007 h. hrupa naličvała 102,5 młn abanentaŭ mabilnaj suviazi i 10,5 młn karystalnikaŭ ADSL. France Telecom — mabilny aperatar numar try i pravajder ADSL numar adzin u Eŭropie, a taksama adzin z suśvietnych lideraŭ u sfery zabieśpiačeńnia pasłuhami suviazi transnacyjanalnych kampanijaŭ.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny20
Kamientary