Raśsielhasnahlad vyjaviŭ sproby reekspartu praź Biełaruś zabaronienych u Rasii jeŭrapiejskich harodniny i sadaviny. Pra heta ITAR-TASS zajaviŭ kiraŭnik viedamstva Siarhiej Dankviert.
«Niekatoryja krainy Jeŭrasajuza pačali adpraŭlać u Biełaruś pradukcyju, nie ŭkazvajučy realnuju krainu pachodžańnia.
Pišuć, naprykład — Makiedonija, a nami vyśvietlena, što heta Polšča i Hrecyja, bo niama paćvierdžańnia makiedonskaha pachodžańnia», — padkreśliŭ jon.
Raśsielhasnahlad na praciahu niekalkich dzion zafiksavaŭ pastaŭku ŭ Rasiju praź Biełaruś partyj jabłykaŭ, piersikaŭ, śliŭ, tamataŭ, biez ŭkazańnia krainy pachodžańnia abo z ukazańniem dazvolenych Turcyi, Sierbii, Makiedonii i šerahu afrykanskich krain, u pryvatnaści Zimbabve.
Adnak fitasanitarnych dakumientaŭ krain pachodžańnia ŭ partyj nie było, abo jany vyklikali padazreńni ŭ rasijskich praviaralnikaŭ. Było ŭstanoŭlena, što harodnina i sadavina pastaŭlalisia z Polščy, Słavienii, Niderłandaŭ, Litvy i niekatorych inšych krain Jeŭrasajuza, praciahnuŭ jon. Šerah partyj nie mieŭ dazvolnych fitasanitarnych dakumientaŭ Biełarusi, padkreśliŭ Dankviert.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»2
Kamientary