«Ja na takoj pracy, što mnie nie da razmovaŭ».
Były staršynia Hrodzienskaha abłvykankama, a taksama kandydat u prezidenty ad apazicyi na vybarach 2001 hoda Siamion Domaš bolš nie ŭznačalvaje «Hrodzienskaje vytvorčaje harbarnaje abjadnańnie». Jašče ŭ studzieni jaho na pasadzie hiendyrektara źmianiŭ Dźmitryj Savaniec.
My patelefanavali Siamionu Domašu, kab daviedacca, čym jon ciapier zajmajecca. «Viedajecie, u mianie ciapier takaja praca, što mnie nie da razmovaŭ», — pa-biełarusku adkazaŭ jon dy pakłaŭ słuchaŭku.
U pryjomnaj harbarnaha zavoda nam skazali: «A my nichto nie viedajem, kudy jaho pieraviali».
Siamion Domaš na vybarach 2001 hoda mieŭ vialikuju padtrymku z boku moładzi i biełaruskamoŭnych. Jon biez prablem naźbiraŭ patrebnyja 100 tysiač podpisaŭ, ale byŭ vymušany źniacca na karyść lidara prafsajuzaŭ Uładzimira Hančaryka, jakoha apazicyja abrała adzinym.
Pierad vybarami Domaš schapiŭ dziŭny infarkt, jamu zrabili šuntavańnie. Doŭhi čas jon papraŭlaŭ zdaroŭje. A ŭ červieni 2002 syšoŭ z hramadskaj dziejnaści. Pierad vybarami 2006 hoda Domaša pryznačyli kiraŭnikom Hrodzienskaha harbarnaha zavoda. Jamu ciapier 64 hady.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary