Sinoptyk Dźmitryj Rabaŭ u efiry ANT papiaredziŭ, što na tydni z 19 pa 25 studzienia nad Biełaruśsiu ŭzmocnicca chałodny antycykłon, centr jakoha budzie znachodzicca niepasredna nad krainaj. Pavodle jaho słoŭ, marazy zachavajucca na praciahu ŭsiaho tydnia, a istotnych apadkaŭ čakać nie varta.
Tempieratura pavietra budzie na 8—12 hradusaŭ nižejšaja za klimatyčnuju normu, a ŭmierany kantynientalny viecier zrobić nadvorje jašče bolš chałodnym. U pačatku tydnia antycykłon uzmocnicca i zachavaje svoj upłyŭ u siaredzinie tydnia. Śniehu amal nie prahnazujecca, ale mahčymyja hałalod i hałalodzica na darohach.
Unačy tempieratura pavietra budzie apuskacca da —14…—20 hradusaŭ, a pry prajaśnieńniach — da —25. U paniadziełak dniom čakajecca ad —4 u Breście da —11 u Viciebsku, u aŭtorak — ad —3 da —10.
U siaredzinie tydnia mahčymyja pieramiennaja vobłačnaść, nievialiki śnieh i paryvisty ŭschodni ci paŭnočna-ŭschodni viecier. U sieradu ŭnačy prahnazujecca —17…—25 hradusaŭ, udzień — ad —4 da —7.
Druhaja pałova tydnia, pavodle papiarednich źviestak, projdzie pad uździejańniem chałodnaha i vilhotnaha pavietra z paŭnočnych šyrot. Apadkaŭ znoŭ ža budzie niašmat. Unačy tempieratura moža źnižacca da —19…—25, a pry prajaśnieńniach — da —29. U čaćvier udzień čakajecca ad —8 na paŭdniovym zachadzie da —17 na paŭnočnym uschodzie, u piatnicu — —17…—22.
Na vychadnych u Biełaruś pryjdzie jašče adzin chałodny antycykłon. Apadkaŭ nie prahnazujecca, viecier budzie ŭmierany, paŭnočny, na darohach zachavajecca hałalodzica. Vilhotnaść pavietra dasiahnie 90 pracentaŭ. Unačy tempieratura składzie —21…—30 hradusaŭ, udzień u subotu — —14…—17, u niadzielu — —11…—16.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi7
Kamientary