U Minsku siońnia z-za daždžlivaha nadvorja nazirajecca ŭsplosk darožna-transpartnych zdareńniaŭ biez achviar, ale z materyjalnym uronam. Pra heta BIEŁTA paviedamiła kiraŭnik pres-słužby DAI HUUS Minharvykankama Taćciana Charlinskaja.
Naprykład, adno z DTZ adbyłosia ŭ centry horada ŭ rajonie Kastryčnickaj płoščy. Adna z mašyn, zdajecca, užo nie padlahaje adnaŭleńniu. Adnak u takich avaryjach mohuć paciarpieć nie tolki transpartnyja srodki, ale i ludzi.
DAI ŭ suviazi z hetym nahadvaje pra niebiaśpieku, jakuju ŭjaŭlaje mokraja daroha.
Naprykład, kiroŭcy mohuć sutyknucca z efiektam akvapłaniravańnia, kali aŭtamabil hublaje kiravalnaść. Taksama treba pamiatać, što niekatoryja ŭčastki prajeznaj častki schilnyja zatapleńnia, jakich u Minsku kala 50.
«U takoje nadvorje treba trymać dystancyju, uklučać blizkaje śviatło i źnižać chutkaść. Taksama budźcie akuratnymi pry manieŭravańni», - skazała Taćciana Charlinskaja.
Jana dadała, što ciapier, kali jość takaja mahčymaść, lepš za ŭsio admovicca ad pajezdak na dalokija dystancyi.-
Kamientary