U Biełarusi 1 vieraśnia pavyšajucca zarpłaty piedahahičnym rabotnikam i rabotnikam achovy zdaroŭja. Heta praduhledžana pastanovami Savieta ministraŭ ad 23 lipienia 2014 818 «Ab niekatorych pytańniach pavyšeńnia apłaty pracy asobnym katehoryjam rabotnikaŭ sistemy adukacyi» i №819 «Ab uniasieńni źmianieńniaŭ i dapaŭnieńniaŭ u pastanovu Savieta ministraŭ ad 2 krasaviku 2014 №303».
Jak paviedamiła pres-słužba ŭrada, u śfiery achovy zdaroŭja zarabotnaja płata budzie padniataja ŭ siarednim na 15%, piedahahičnym rabotnikam — na 18%. U miedykaŭ zarpłaty vyrastuć za košt pavyšeńnia taryfnych akładaŭ, u pracaŭnikoŭ śfiery adukacyi — za košt zbałansavanaha pavieličeńnia pamieraŭ nadbavak za kvalifikacyjnyja katehoryi.
Nazvanyja miery zakranuć zvyš 640 tys. rabotnikaŭ biudžetnaj śfiery i nakiravanyja ŭ pieršuju čarhu na skaračeńnie razryvu ŭ apłacie ich pracy ŭ paraŭnańni z realnym siektaram ekanomiki, adznačyli ŭ pres-słužbie.
Heta treciaje pavyšeńnie zarabotnaj płaty rabotnikam biudžetnaj śfiery ŭ biahučym hodzie. Uradam prymalisia adpaviednyja rašeńni ab pavieličeńni zarabotnaj płaty nazvanym katehoryjam rabotnikaŭ krasaviku 1 i 1 maja.
Raniej ministr achovy zdaroŭja Vasil Žarko paviedamiŭ, što ŭvosień zarabotnaja płata biełaruskich lekaraŭ pavialičycca ŭ siarednim na 23%, siarednich miedycynskich rabotnikaŭ — na 21%. «U cełym zarpłata rabotnikaŭ ŭsioj sistemy achovy zdaroŭja pavialičycca nie mienš čym na 15%», — skazaŭ Žarko, dadaŭšy, što na pavyšeńnie zarabotnaj płaty buduć nakiravanyja dadatkovyja srodki ad pazabiudžetnaj dziejnaści i ad aptymizacyi resursaŭ haliny.
Suadnosiny zarabotnaj płaty ŭ achovie zdaroŭja ź jaje uzroŭniem pa krainie ŭ cełym pavialičacca z 75 da 85-90%, adznačyŭ ministr.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła10
Kamientary