Bajeviki DNR zajaŭlajuć, što viarnuli kantrol nad samaj vysokaj kropkaj Danieckaj vobłaści — kurhanam Savur-Mahiła, paviedamili RIA Naviny ŭ štabie «apałčeńnia».
Savur-Mahiła vyšynioj 277 mietraŭ znachodzicca prykładna za 80 kiłamietrach na ŭschod ad Daniecka.
«Paśla niekalkich dzion zaciatych bajoŭ siłaviki jaje pakinuli», — paviedamiŭ pradstaŭnik terarystaŭ. Pavodle jaho słoŭ, u ruki da ich trapiła niekalki adzinak braniatechniki i zbroi siłavikoŭ.
U toj ža čas ukrainskija krynicy śćviardžajuć advarotnaje: stratehičnaja vyšynia Savur-Mahiła znachodzicca pad kantrolem bajcoŭ ATA.
Pra heta «Ukrainskaj praŭdzie» paviedamiŭ pres-aficer Alaksiej Dmitraškoŭski.
«Infarmacyju pra nibyta zachop bajevikami Savur-Mahiły my nie paćviardžajem», — skazaŭ jon.
Raniej pradstaŭnik RNBA Andrej Łysienka taksama paviedamiŭ, što pa stanie na 12 hadzin infarmacyi pra nibyta uziaćcie bajavikami Savur-Mahiły nie było.
Kurhan Savur-Mahiła — samaja vysokaja kropka Danbasa. U čas Vialikaj Ajčynnaj vajny jana stała miescam krovapralitnych bajoŭ pamiž savieckaj i hiermanskaj armijami.
U chodzie ciapierašniaha kanfliktu da jaje viarnułasia stratehičnaje značeńnie — bajeviki abstrelvali z Savur-Mahiły pazicyi siłavikoŭ la miažy z Rasijaj. Akramia taho, vyšynia dazvalaje kantralavać darohu pamiž Danieckam, Łuhanskaj vobłaściu i Rasijaj.
Kamientary