U Danieckaj vobłaści paśla apošnich bajoŭ uziata ŭ pałon 680 ŭkrainskich vajskoŭcaŭ, ź ich 80% — z-pad Iłavajska.
Pra heta na pres-kanfierencyi paviedamiŭ hienierał-pałkoŭnik zapasu, kiraŭnik HA «Aficerski korpus», kiraŭnik Centra abmienu pałonnych Uładzimir Ruban.
Pry hetym jon padkreśliŭ, što infarmacyja ab kolkaści ŭkraincaŭ, uziatych u pałon kala Iłavajska, zakryta. «Tamu ja nie mahu jaje abmiarkoŭvać. Pakul nie skončyłasia apieracyja, pakul nie zabrali pałonnych», — skazaŭ Ruban.
«Ab pałonnych — heta taksama katastrofa. Toje, jak viaducca bajavyja dziejańni, to takoje ŭražańnie, što vojska rychtujuć dla zdačy ŭ pałon», - adznačyŭ Ruban.
Jon padkreśliŭ, što ŭžo jość prablema z charčavańniem pałonnych. Pavodle jaho słoŭ, Dnieprapiatroŭskaja vobłaść rychtuje humanitarny ciahnik z praduktami, kab karmić ukrainskich pałonnych u Daniecku. Ruban padkreśliŭ, što «prykładna takaja ž situacyja i ŭ Łuhansku». Akramia taho, jon zajaviŭ, što na ŭschodzie Ukrainy «niama narmalnych pastavak charčavańnia, nie padrychtavanaja infrastruktura da zimy».
«Zusim sumnaja situacyja ŭ Łuhansku», - dadaŭ Ruban.
Pavodle jaho słoŭ, «nasoŭvajecca vialikaja humanitarnaja katastrofa» dla mirnych hramadzian, jakija pražyvajuć u Danieckaj i Łuhanskaj abłaściach.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary