U bazie vakansij Minpracy źjaviłasia vakansija mieniedžara pa apieracyjnaj dziejnaści z zarobkam ad 10 000 da 19 000 rubloŭ. Takoha supracoŭnika šukaje kampanija «KPI Deviełapmient», zaŭvažyła vydańnie «Anłajnier».
Faktyčnaje miesca pracy paznačana pa adrasie vulica Janki Kupały, 27, — tut raźmieščany niadaŭna pabudavany luksavy hatel Waldorf Astoria (na jaho miescy raniej byŭ budynak Nacyjanalnaha vystavačnaha centra «Biełekspa»).
Miarkujučy pa apisańni, pracadaŭca hatovy razhladać i zamiežnych hramadzian. Pry hetym pavodle biełaruskaha zakanadaŭstva takija pazicyi ŭ lubym vypadku spačatku raźmiaščajucca ŭ nacyjanalnaj bazie vakansij — navat kali ŭ kampanii ŭžo jość patencyjny kandydat z-za miažy.
Kandydatu patrabujecca vyšejšaja adukacyja i nie mienš za piać hadoŭ vopytu pracy.
Siarod patrabavańniaŭ — vałodańnie anhlijskaj i niamieckaj movami, kiraŭničy vopyt u śfiery haścinnaści i ŭ hatelach uzroŭniu piaci zorak nie mienš za piać hadoŭ, a taksama vopyt pracy na kiraŭničych pasadach u śfiery hramadskaha charčavańnia nie mienš za 5 hadoŭ.
Heta nie pieršaja vakansija ŭ Waldorf Astoria z vysokim zarobkam, i navat nie rekord: letam minułaha hoda tam šukali hałoŭnaha mieniedžara na zarobak ad 30 000 da 32 000 rubloŭ u miesiac.
Ad $475 da $3000 za numar. Jak vyhladaje pieršy luksavy hatel Biełarusi FOTY
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
U Minsku hatel šukaje supracoŭnika z zarobkam ad 30 000 rubloŭ
Vialiki arabski kompleks na miescy byłoha «Biełekspa» ŭ Minsku amal hatovy. Voś jak jon vyhladaje
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary