Jak stała viadoma «Našaj Nivie», ad siońnia «Minsktrans» pracuje biez hienieralnaha dyrektara. Aleh Dziubienka byŭ zvolnieny z pradpryjemstva.
U pryjomnaj paćviardžajuć, što Aleh Dziubienka bolš nie pracuje na raniejšym miescy. Jaho asabistaja staronka na sajcie «Minsktransa» ŭžo vydalenaja.
Ad pačatku hoda ŭ pracy hramadskaha transpartu było zafiksavana niekalki zbojaŭ u suviazi z paškodžańniem infrastruktury, u pryvatnaści — abryvam kantaktnych sietak. U vyniku ruch tralejbusaŭ raz za razam spyniaŭsia na mnohich staličnych maršrutach.
Alehu Dziubienku 59 hadoŭ. Jon naradziŭsia ŭ Biškieku, ale ź dziacinstva žyŭ u Homieli. Vyšejšuju adukacyju atrymaŭ u Charkavie.
Usiu karjeru pravioŭ u sistemie «Minsktransa». Pačynaŭ majstram u tralejbusnym depo №3, paśla pracavaŭ inžynieram, dajšoŭ da pasady hałoŭnaha inžyniera «Minsktransa», a paśla i hienieralnaha dyrektara. Na hetu pasadu Dziubienka byŭ pryznačany ŭ 2020 hodzie, zamianiŭšy Lavoncija Papienku, jaki ŭznačalvaŭ «Minsktrans» amal 15 hadoŭ.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary