U Polščy aryštavali hrupu telefonnych machlaroŭ. Siarod ich byli i biełarusy
Aryštavana 13 čałaviek.
Polskija pravaachoŭniki aryštavali 13 čałaviek, jakija zajmalisia telefonnym machlarstvam i admyvańniem hrošaj. Siarod ich hramadzianie Polščy, Ukrainy i Biełarusi, piša Most.
Jak paviedamlaje Nižniesilezskaja mytna-padatkovaja słužba, hrupa, u jakuju ŭvachodzili zatrymanyja, stvaryła fejkavy koł-centr i vymańvała hrošy, karystajučysia raspaŭsiudžanaj schiemaj. Členy hrupy telefanavali roznym ludziam, pradstaŭlalisia supracoŭnikami bankaŭ i kazali klijentam pra pahrozu ŭzłomu ich rachunkaŭ. Machlary prapanoŭvali nieadkładna pieravieści hrošy nibyta na techničny rachunak, kab ich zaścierahčy. Nasamreč rachunki kantralavali sami złamyśniki.
Dla lehalizacyi atrymanych hrošaj abvinavačanyja vykarystoŭvali rachunki, zarehistravanyja na padstaŭnych asob, a taksama na firmy, jakija pad vyhladam haspadarčaj dziejnaści zajmalisia admyvańniem hrošaj. Dalej hrošy pieravodzili na zamiežnyja rachunki albo mianiali na kryptavalutu. Hrupa karystałasia sietkaj kryptaabmieńnikaŭ.
Apieratyŭniki kanfiskavali 2,6 młn złotych (615 tysiač jeŭra), atrymanych padčas złačynnaj dziejnaści.
Padazravanyja znachodzilisia ŭ roznych rehijonach Polščy. Zatrymańni prajšli ŭ Nižniesilezskim, Vialikapolskim, Mazavieckim, Małapolskim, Silezskim i Pamorskim vajavodstvach. Pravaachoŭniki nie vyklučajuć, što buduć aryštavanyja i inšyja fihuranty spravy.
Dziesiać abvinavačanych źmiaścili pad aryšt. Za ŭdzieł u arhanizavanaj złačynnaj hrupie i šmatlikija fakty machlarstva i vymahalnictva hrošaj im pahražaje da 15 hadoŭ pazbaŭleńnia voli.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ20
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary