Pradstaŭniki Biełaruskaj i Litoŭskaj čyhunak praviali pieramovy ŭ Vilni
Pieramovy kiraŭnictva čyhunačnych administracyj Biełarusi i Litvy prajšli ŭ Vilni 29—30 žniŭnia, paviedamili ŭ pres-słužbie Biełaruskaj čyhunki.
Na pieramovach pradstaŭniki dźviuch čyhunačnych mahistralaŭ abmierkavali vyniki pracy pa pieravozkach hruzaŭ za siem miesiacaŭ hoda, jakija ažyćciaŭlajucca praź biełaruska-litoŭskija miždziaržaŭnyja stykavyja punkty, i adznačyli stanoŭčuju dynamiku. Pa vynikach studzienia—lipienia 2014 hoda abjom pieravozak hruzaŭ va ŭsich vidach znosin Biełaruś — Litva pavialičyŭsia na 22% da ŭzroŭniu anałahičnaha pieryjadu minułaha hoda. Pry hetym vyvaz hruzaŭ ź Biełarusi pryznačeńniem u Litvu ŭzros na 30,5%.
Byli taksama razhledžany vyniki pracy pa arhanizacyi kursiravańnia kantrejlernaha ciahnika «Nioman» i pytańni pieravozak kantejnieraŭ u składzie ciahnika kambinavanaha transpartu «Vikinh» i kantejniernych ciahnikoŭ «Mierkuryj», «Bałtyjski viecier» i «Saŭle».
Padčas vizitu delehacyja Biełaruskaj čyhunki pavinšavała litoŭskich kalehaŭ z 95-hodździem dziejnaści AT «Litoŭskija čyhunki» i dniom čyhunačnika Litvy.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary