Čarhovyja kansultacyi ŭ miežach kantaktnaj hrupy pa Ukrainie projduć 5 vieraśnia, paviedamlaje RIA Novosti sa spasyłkaj na «vice-premjera» samaabvieščanaj «Danieckaj narodnaj respubliki» (DNR) Andreja Purhina pavodle vynikaŭ zakrytych pieramoŭ, jakija prajšli ŭ Minsku ŭ paniadziełak.
Pavodle jaho słoŭ, buduć abmiarkoŭvacca zachady pa spynieńni ahniu i mahčymaść abmienu załožnikami zhodna z formułaj «usich na ŭsich». Purhin adznačyŭ, što prapanovy ŭkrainskaha boku na kansultacyjach byli «davoli vialikija, ich treba razhladać, vyvučać i čytać». «Tamu ŭ nas uziaty tajm-aŭt, my nie adnaasobna pradstaŭlajem respubliki (DNR i ŁNR), heta značyć u nas jość šmat ludziej, śpiecyjalistaŭ, ź jakimi my pavinny razhledzieć prapanovy Kijeva i, mahčyma, znajści tam niejkija punkty, ź jakimi my zhodnyja, na temu jakich my hatovyja vieści pieramovy, i punkty, jakija dla nas nieprymalnyja», — skazaŭ Purhin.
Ukrainski bok, adznačyŭ jon, «mabyć, taksama znojdzie štości, niejkija punkty, mahčymyja dla abmierkavańnia».
«I kali hetyja punkty ŭ nas supaduć, to my budziem abmiarkoŭvać mienavita hetyja bačańni», — zajaviŭ Purhin. Pry hetym jon padkreśliŭ, što ni Kijeŭ, ni samaabvieščanyja respubliki nie hatovyja vynosić «na šyrokuju aŭdytoryju» peŭnyja punkty, pra jakija idzie havorka.
Sustreča kantaktnaj hrupy ŭ farmacie Ukraina — Rasija — ABSIE prajšła ŭ Dipservice Hall (Dom pryjomaŭ) u Vajskovym zavułku ŭ Minsku. Ad ukrainskaha boku ŭ pieramovach udzielničaje były prezident Ukrainy Leanid Kučma, rasijskaha — pasoł RF u Kijevie Michaił Zurabaŭ, ABSIE — aficyjny pradstaŭnik dziejnaha staršyni ABSIE pa pytańniach urehulavańnia situacyi va Ukrainie Adelchiejd Taljavini.
U pasiadžeńni taksama ŭdzielničali pradstaŭniki samaabvieščanych «Danieckaj narodnaj respubliki» i «Łuhanskaj narodnaj respubliki» Andrej Purhin i Alaksiej Karakin. Pierad pačatkam pieramoŭ jany paviedamili žurnalistam, što źbirajucca patrabavać pryznańnia Kijevam asablivaha statusu terytoryj DNR i ŁNR, a taksama spynieńnia vajennaj apieracyi dla praviadzieńnia svabodnych vybaraŭ kiraŭnikoŭ i deputataŭ hetych respublik.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB27
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary