Niderłandski pierakładčyk admoviŭsia pryniać uznaharodu ad Pucina: Jon mnie ahidny
Hałandskamu pierakładčyku Chansu Bołandu, jaki paznajomiŭ svaju krainu z tvorčaściu Puškina, Achmatavaj i Dastajeŭskaha, prysudzili ŭznaharodu imia A.Puškina.
26 žniŭnia Bołand atrymaŭ ad Fiodara Varonina, ataše pa kultury ŭ pasolstvie RF, hanarovaje zaprašeńnie ŭ Kreml na cyrymoniju ŭručeńnia miedali samim prezidentam Rasii Uładzimiram Pucinym.
Cyrymonija pavinna była adbycca 4 listapada ŭ Dzień narodnaha adzinstva.
Adnak pryznany pierakładčyk i słavist admoviŭsia pryniać prestyžnuju ŭznaharodu.
U liście sp.Varoninu jon patłumačyŭ heta nastupnym čynam:
«… Budučy pałymianym apostałam — bolš pravilnych słoŭ nie mahu padabrać — Hanny Achmatavaj, da jakoj prasiaknuty biaźmiežnaj pavahaj, ja pavinien być ćviordym, kali hetaha patrabuje iścina. Ja b ź vielizarnaj udziačnaściu pryniaŭ akazany mnie honar, kali b nie Vaš prezident, pavodzinami i ładam dumak jakoha ja pahardžaju.
Jon pradstaŭlaje vialikuju niebiaśpieku dla svabody i miru našaj płaniety. Daj Boh, kab jaho «ideały» ŭ bližejšy čas byli całkam źniščanyja. Lubaja suviaź pamiž im (prezidentam Pucinym) i mnoj, jaho imiem i imiem Puškina dla mianie ahidnaja i nievynosnaja».
Chans Bołand — pieršy hałandziec, jakomu prysudzili ŭznaharodu imia ruskaha paeta. Premija Puškina zasnavanaja ŭ 1969 hodzie jak navukovaja premija. U saviecki čas jaje ŭručała Akademija navuk SSSR, u ciapierašni čas - RAN. Farmuloŭka pry ŭručeńni - «za vydatnyja navukovyja pracy ŭ halinie litaraturnaj krytyki, teoryi i historyi litaratury».
«Spravaj žyćcia» Bołand nazvaŭ pierakład poŭnaha zboru tvoraŭ Alaksandra Puškina. Akramia Puškina, słavist vypuściŭ u Hałandyi pierakłady vieršaŭ Lermantava, Kryłova, Mandelštama, Achmatavaj, Humilova, Nabokava, Rejna, Jerafiejeva, Hubiermana, pierakłaŭ raman «Biesy» Dastajeŭskaha.
Kamientary