Raśsielhasnahlad viarnuŭ u Biełaruś partyju hatovaj i syroj miasnoj i małočnaj pradukcyi.
Jak paviedamili va ŭpraŭleńni Raśsielhasnahladu pa Branskaj i Smalenskaj abłaściach, partyja była vyjaŭlena pry kantroli hruzaŭ, što pieramiaščalisia pa terytoryi Mytnaha sajuza, sumiesna z orhanami pahraničnaha i mytnaha kantrolu z 5 pa 8 vieraśnia na aŭtadarozie M13 Bransk — Homiel u pasiołku Čyrvony Kamień Branskaj vobłaści.
U Biełaruś viernuta: pryblizna 300 kh kaŭbasnych vyrabaŭ i małočnaja pradukcyja, jakaja nie mieła vieterynarnaha siertyfikatu; kala 3.139 kh zamarožanych paŭfabrykataŭ i kaŭbasnych vyrabaŭ vytvorčaści AAT «Brescki miasakambinat», jakija nakiroŭvalisia z parušeńniem umoŭ transparciroŭki; 3,5 tony achałodžanaj jałavičyny, jakija pieravoziŭ indyvidualny pradprymalnik z Mazyra bieź vieterynarnaha siertyfikatu i adbitkaŭ vieterynarnych taŭro, što paćviardžajuć praviadzieńnie vieterynarna-sanitarnaj ekśpiertyzy.
U Biełaruś taksama viernuta: 4.783,4 kh małočnaj pradukcyi vytvorčaści AAT «Savuškin pradukt» i AAT «Saŭhas-kambinat «Sož», jakaja ŭvoziłasia bieź vieterynarnaha siertyfikatu; 20 ton suchoj syrovatki vytvorčaści AAT «Savuškin pradukt», jakaja nakiroŭvałasia z parušeńniem umoŭ transparciroŭki.
Raśsielhasnahlad apošnim časam nieadnarazova viartaŭ u Biełaruś partyi praduktaŭ. Tak, niadaŭna ŭ krainu było viernuta kala 25 ton hatovaj małočnaj pradukcyi i amal 220 tys. jajek. Na małočnaj pradukcyi byli prastaŭleny «avansavyja» daty vytvorčaści, jakija na niekalki dzion apieradžali biahučyja. Taksama ŭ Biełaruś było viernuta try tony burakoŭ i morkvy bieź fitasanitarnych siertyfikataŭ i markiroŭki.
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary