Biełaruś i Rasija razhladajuć mahčymaść uviadzieńnia ahulnaj vizy dla dźviuch krain. Ab hetym zajaviŭ dziaržsakratar Sajuznaj dziaržavy Ryhor Rapota siońnia ŭ Nižnim Noŭharadzie na II Mižnarodnym biźnies-samicie.
«Pry vysokaj stupieni intehracyi vizavaja palityka ŭ abiedźviuch dziaržaŭ nacyjanalnaja, kožnaja maje svaje vizavyja słužby i vydaje tolki nacyjanalnuju vizu, što stvaraje niazručnaści dla biźniesu i dla turyzmu, pakolki vielmi časta turystyčnyja maršruty pierasiakajuć rasijska-biełaruskuju hranicu», — adznačyŭ dziaržsakratar.
Pytańnie ab uviadzieńni ahulnaj vizy staviłasia nie raz, i abodva baki zajmajucca im užo niepasredna. Ryhor Rapota paviedamiŭ, što pravioŭ nakont hetaha kansultacyi ŭ MZS Biełarusi i Rasii. «Ja liču, što niejki anałah šenhienskaj vizy my pasprabujem stvaryć, i ciapier heta pytańnie prapracoŭvajecca», — skazaŭ jon.
Kamientary