Minski haradski ŭniviersitet treciaha ŭzrostu nabiraje vałancioraŭ dla pracy vykładčykami
Minski haradski ŭniviersitet treciaha ŭzrostu abjaviŭ ab nabory vałancioraŭ dla pracy vykładčykami.
Jak paviedamlajuć arhanizatary, dla taho kab stać vałancioram, nieabchodna pryjści na sustreču, jakaja adbudziecca 18 vieraśnia ŭ 18.00 pa adrasie: vuł. Vałhahradskaja, 21a. Na sustrečy vałanciory zmohuć daviedacca pra navučalnyja prahramy kursaŭ, paznajomicca z kuratarami fakultetaŭ, uzhadnić čas dla praviadzieńnia zaniatkaŭ, prapanavać novyja navučalnyja kirunki i zadać pytańni.
Zapis słuchačoŭ adukacyjnych kursaŭ budzie pravodzicca va ŭniviersitecie 23 i 24 vieraśnia z 9 da 17 hadzin pa adrasie: vuł. Vałhahradskaja, 21a. Brać udzieł u prajekcie mohuć asoby, jakim bolš za 60 hadoŭ. Dla zapisu na kursy nieabchodna mieć pry sabie piensijnaje paśviedčańnie i fatahrafiju na dakumienty.
Va ŭniviersitecie treciaha ŭzrostu, jaki adkryŭsia ŭ stalicy letaś, viadziecca navučańnie pažyłych ludziej pa troch asnoŭnych kirunkach — žurnalistyka, kampjutarnaja adukacyja, zamiežnyja movy (anhlijskaja i niamieckaja). Aprača taho, va ŭniviersitecie pracuje fakultet dadatkovaj adukacyi, dzie možna aznajomicca z asnovami psichałohii, zaniacca krajaznaŭstvam, pasprabavać siabie ŭ roli sacyjalnaha rabotnika i inšaj dziejnaści. Navučańnie va ŭniviersitecie biaspłatnaje, a zaniatki pravodziać studenty-vałanciory. U minułym navučalnym hodzie dypłomy ab zakančeńni ŭniviersiteta atrymali bolš jak 1.200 piensijanieraŭ.
Prajekt realizujecca Biełaruskaj asacyjacyjaj sacyjalnych rabotnikaŭ pry padtrymcy mižnarodnaha hramadskaha abjadnańnia «Uzajemarazumieńnie» ŭ miežach prahramy pa pracy z pažyłymi ludźmi «Miesca sustrečy — dyjałoh». Finansavuju padtrymku prajektu akazvaje fond «Pamiać, adkaznaść, budučynia» i kampanija JTI.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary