Мінскі гарадскі ўніверсітэт трэцяга ўзросту набірае валанцёраў для працы выкладчыкамі
Мінскі гарадскі ўніверсітэт трэцяга ўзросту аб'явіў аб наборы валанцёраў для працы выкладчыкамі.
Як паведамляюць арганізатары, для таго каб стаць валанцёрам, неабходна прыйсці на сустрэчу, якая адбудзецца 18 верасня ў 18.00 па адрасе: вул. Валгаградская, 21а. На сустрэчы валанцёры змогуць даведацца пра навучальныя праграмы курсаў, пазнаёміцца з куратарамі факультэтаў, узгадніць час для правядзення заняткаў, прапанаваць новыя навучальныя кірункі і задаць пытанні.
Запіс слухачоў адукацыйных курсаў будзе праводзіцца ва ўніверсітэце 23 і 24 верасня з 9 да 17 гадзін па адрасе: вул. Валгаградская, 21а. Браць удзел у праекце могуць асобы, якім больш за 60 гадоў. Для запісу на курсы неабходна мець пры сабе пенсійнае пасведчанне і фатаграфію на дакументы.
Ва ўніверсітэце трэцяга ўзросту, які адкрыўся ў сталіцы летась, вядзецца навучанне пажылых людзей па трох асноўных кірунках — журналістыка, камп'ютарная адукацыя, замежныя мовы (англійская і нямецкая). Апрача таго, ва ўніверсітэце працуе факультэт дадатковай адукацыі, дзе можна азнаёміцца з асновамі псіхалогіі, заняцца краязнаўствам, паспрабаваць сябе ў ролі сацыяльнага работніка і іншай дзейнасці. Навучанне ва ўніверсітэце бясплатнае, а заняткі праводзяць студэнты-валанцёры. У мінулым навучальным годзе дыпломы аб заканчэнні ўніверсітэта атрымалі больш як 1.200 пенсіянераў.
Праект рэалізуецца Беларускай асацыяцыяй сацыяльных работнікаў пры падтрымцы міжнароднага грамадскага аб'яднання «Узаемаразуменне» ў межах праграмы па працы з пажылымі людзьмі «Месца сустрэчы — дыялог». Фінансавую падтрымку праекту аказвае фонд «Памяць, адказнасць, будучыня» і кампанія JTI.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары