Kamandujučy Abjadnanymi siłami NATO ŭ Jeŭropie hienierał Filip Brydłaŭ zajaviŭ, što Rasija pačynaje vykarystoŭvać scenar «hibrydnaj vajny» u dačynieńni da Małdovy, paviedamlaje vydańnie The Daily Best.
«Zialonyja čałaviečki», my jasna bačyli hety scenar u Krymie, my bačyli scenar, jaki razyhryvajecca va Uschodniaj Ukrainie. My pačynajem bačyć padobny scenar u Małdovie i Prydniastroŭi», — skazaŭ Brydłaŭ u chodzie dyskusii ŭ Paŭnočnaatłantyčnym saviecie.
Rasija ŭ pačatku 2014 praviała vajskovyja vučeńni ŭ Prydniastroŭi. Tady prezident Małdovy pieraściaroh Maskvu suprać anieksii Prydniastroŭja pa krymskim scenary. Vice-premjer Rasii Dźmitryj Rahozin u minułym hodzie zajaviŭ, što bolš ciesnaje supracoŭnictva Małdovy ź Jeŭropaj moža nazaŭsiody pryvieści da straty Kišyniovam kantrolu ŭ Prydniastroŭi i da padaražańnia enierhanośbitaŭ, što atrymlivajucca z Rasii.
Brydłaŭ zajaviŭ, što ciapier NATO maje ahulnaje razumieńnie taho, jak Rasija vykarystoŭvaje taktyku hibrydnaj vajny, i ciapier važna zrazumieć, jak dapamahčy krainam Uschodniaj Jeŭropy vytrymać pieršapačatkovy nacisk, jaki ažyćciaŭlajecca pa takim scenary. Jon nahadaŭ, što NATO nie moža ŭviazvacca va ŭnutranyja kanflikty dziaržaŭ, aljans moža reahavać na vidavočny napad źniešniaha ahresara.
«Heta hibrydnaja vajna, kali jana pačniecca, to heta nie pytańnie NATO, — skazaŭ hienierał. — Heta ŭnutranaja prablema dziaržavy».
U suviazi z hetym jon adznačyŭ, što dziaržavam-siabram NATO nieabchodna vyrašyć, jakimi pavinny być ich abaviazki ŭ situacyjach, padobnaj ukrainskaj, dzie kraina, jakaja ŭdzielničaje ŭ kanflikcie, nie ŭvachodzić u aljans. «Ciapier u NATO niama palityki, razumieńnia taho, što rabić u tych krainach, jakija znachodziacca pa-za miežami aljansu i Rasijskaj Fiederacyi», - skazaŭ Brydłaŭ.
Pry hetym jon zajaviŭ, što Rasija ŭ kančatkovym rachunku pavinna być častkaj vyrašeńnia hetaha pytańnia. «Ja nie dumaju, što my možam zrabić u cełym Jeŭropu svabodnaj i mirnaj biez Rasii ŭ jakaści partniora», - ličyć hienierał.
Kamientary