Jak paviedamlaje pres-słužba KDB, padčas atrymańni 25 tysiač dalaraŭ ZŠA ŭ jakaści častki niezakonnaha hrašovaha ŭznaharodžańnia za spryjalnaje vyrašeńnie pytańnia pa nabyćci pa zavyšanym košcie va ŭłasnaść AAT abjekta nieruchomaści, jaki naležyć adnoj z kamiercyjnych struktur Hrodzienskaj vobłaści, kiraŭnik sielhaspradpryjemstva zatrymany z dokazami złačynstva. Ahulnaja suma tak zvanaha adkatu składała 50 tysiač dalaraŭ ZŠA.
U časie pieratrusu pa miescy žycharstva słužbovaj asoby vyjaŭlena i kanfiskavana 232 tysiačy dalaraŭ ZŠA i 10 tysiač jeŭra.
Niepasredna padčas pieradačy hrošaj byŭ zatrymany pasiarednik, a nieŭzabavie i chabaradaŭca — zasnavalnik firmy, jakaja pradavała abjekt nieruchomaści.
U dačynieńni da zatrymanych upraŭleńniem KDB pa Bresckaj vobłaści raspačata sprava pa prykmietach składu złačynstva, praduhledžanaha č. 4 art. 210 KK (kradziež šlacham vykarystańnia słužbovych paŭnamoctvaŭ) i č. 3. art. 430 KK (atrymańnie chabaru słužbovaj asobaj, jakaja zajmaje adkaznaje stanovišča, u asabliva bujnym pamiery).
Da zatrymanych prymieniena miera strymańnia ŭ vyhladzie źmiaščeńnia pad vartu.
X
Kamientary