U čaćvier Šatłandyja pravodzić refierendum ab niezaležnaści. Nichto nie pradkaža vyniku. Los krainy mohuć vyrašyć doli pracenta, dumki raździalilisia 50 na 50.
Kali Šatłandyja vyrašyć adździalicca, katastrofy nie budzie. Łondan daŭ šatłandcam volu samim vyrašać svoj los. Ale ŭsie anhlijskija palityki ŭ adzin hołas ahitujuć za adzinstva. «Nie rabicie kroku ŭ nieviadomaść», — zaklikaŭ premjer Kemieran.
Šatłandyja – piacimiljonny rehijon. U jaho bahataja historyja, asobnyja tradycyi – nie tolki spadnicy-kiłty. U svoj čas šatłandcy pralili ŭ bitvach za svaju niezaležnaść šmat kryvi, ale nie vystajali suprać bahataj i šmatludnaj Anhlii.
Jak nacyju, šatłandcaŭ padarvała strata rodnaj, kielckaj movy. Zastaŭsia tolki akcent. Im havorać, naprykład, hieroi ramana i filma «Na ihle». Darečy, jaho aŭtar Irvin Uełš horača padtrymaŭ niezaležnaść Šatłandyi. Jak i akciory Šon Konery, Džerard Batler.
Kali šatłandcy vybieruć samastojnaść, hety prykład «mirnaha razvodu» mohuć paŭtaryć Katałonija, Kraina Baskaŭ, Korsika i mnohija inšyja rehijony sa svaimi admietnaściami. Asabliva kali Jeŭrasajuz zdoleje znajści miechanizm, jak złučać mienšyja dziaržavy biez asłableńnia supolnaha ekanamičnaha i abaronnaha patencyjału.
Inšy varyjant – jak Kviebiek, jaki ŭžo niekalki razoŭ hałasavaŭ suprać niezaležnaści ad Kanady.
Ale što važna — svoj vybar i šatłandcy, i Kviebiek, i katałancy robiać nie pad dułami aŭtamataŭ zialonych čałaviečkaŭ. I samalotaŭ ničyich nie źbivajuć.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary