Moda na chipstarstva zhasaje.
Subkultura, jakuju zasnavali maładyja lidary kreatyŭnaha kłasa, pieratvaryłasia ŭ karykaturu.
Brytanski słoŭnik vyznačaje chipstaraŭ jak «subkulturu mužčyn i žančyn, jak praviła, va ŭzroście ad 20 da 30 hadoŭ, jakija ceniać niezaležnaje myśleńnie, kontrkulturu, prahresiŭnuju palityku».
U 2014 hodzie, mahčyma, była dasiahnutaja «viaršynia baradataści». Padobna, što i vuzkija džynsy chipstaraŭ chutka pierastanuć być aktualnymi.
Tak było z usimi subkulturami, pačynajučy ad chipi. Spačatku jany viaduć za saboj, nabyvajuć papularnaść, ale ŭrešcie kamiercyjalizujucca i stanoviacca parodyjaj na samich siabie.
Słova «hipster» było vynajdziena ŭ 1940-ja hady. Tak nazyvali tych, chto adchiliŭsia ad ahulnapryniatych normaŭ — naprykład, biełych ź siaredniaha kłasa, jakija słuchali džaz. Potym byli bitniki, chipi.
Situacyju z modaj bližejšaj budučyni moža taksama praśviatlić fienomien «normcore». Hety termin byŭ uviedzieny trendavym ahienctvam ź Ńju-Jorka K-Kerlis ŭ svajoj spravazdačy Youth Mode za vosień minułaha hoda. Hetaja moda prapavieduje supiernarmalny styl, jana stała reakcyjaj akurat na chipstarstva, piša brytanskaja hazieta «Hardyjan».
Kamientary