U Minsku ŭdzielniki pasiadžeńnia kantaktnaj hrupy pa Ukrainie zaviaršajuć abmierkavańnie prahramy dziejańniaŭ pa realizacyi pałažeńniaŭ mirnaha pratakoła ad 5 vieraśnia.
Jak paviedamiła ITAR-TASS krynica, blizkaja da pieramovaŭ, udzielniki sustrečy, u pryvatnaści, uzhadniajuć «žorstkaje zamacavańnie miežaŭ bakoŭ pa stanie na siońniašni dzień, zabarona na ŭžyvańnie ŭsich vidaŭ zbroi i nastupalnych dziejańniaŭ, a taksama advod ad linii sudakranańnia bujnakalibiernaha ŭzbrajeńnia».
U pasiadžeńni, jak i ŭ papiaredniaj sustrečy 5 vieraśnia, prymajuć udzieł były prezident Ukrainy i śpiecpasłańnik ciapierašniaha kiraŭnika dziaržavy Leanid Kučma, «premjer-ministr» samaabvieščanaj Danieckaj narodnaj respubliki Alaksandr Zacharčanka, kiraŭnik abvieščanaj Łuhanskaj narodnaj respubliki Ihar Płatnicki, pieršy vice-premjer DNR Andrej Purhin, staršynia «viarchoŭnaha savieta» ŁNR Alaksiej Karakin, pasoł RF u Kijevie Michaił Zurabaŭ, a taksama aficyjny pradstaŭnik dziejnaha staršyni ABSIE pa pytańniach ŭrehulavańnia situacyi va Ukrainie Chajdzi Taljavini.
Kamientary