Prasłavicca dziakujučy hłabalnamu siecivu ŭ našy dni vielmi prosta, dla hetaha dastatkova prydumać niešta niezvyčajnaje, naprykład, viasielle, ale biez žanicha. Tak, maładaja žycharka Brytanii Hrejs Hiedler ažaniłasia sama z saboj, dziakujučy čamu stała hierainiaj suśvietnych navin.
Na siamiejnuju ŭračystaść, jakaja prajšła ŭ hrafstvie Devan, byli zaprošanyja 50 čałaviek. Padkreślivajecca, što baćki vybar Hrejs uchvalili. Bo, pa ich słovach, «hałoŭnaje, kab ich dačka adčuvała siabie ščaślivaj». Kali Hrejs paviedamiła pra namier zarehistravać adnosiny z saboj ža, jaje babula skazała «O, ty jak što-niebudź prydumaješ, Hrejsi».
Maładaja niaviesta pryznałasia, što ŭžo 6 hadoŭ nie była ŭ adnosinach z mužčynami i ŭ niejki momant zrazumieła, što jany joj nie patrebnyja zusim.
Adnak Hrejs nie chavaje — mnohija jaje siabry ličać, što jana siabie paviała jak «narcys». Ale heta nie pieraškadžaje jaje «siamiejnamu» dabrabytu. Niahledziačy na toje, što ŭ Vialikabrytanii hety sajuz nie maje zusim nijakaha jurydyčnaha statusu, «maładyja» vielmi ščaślivyja.
Paviedamlajecca, što pryniać rašeńnie ab niezvyčajnym viasielli dziaŭčynie dapamahło padarožža dla asobasnaha raźvićcia, dzie jana «šmat miedytavała, vykonvała tantryčnyja tancy i raźvivała svaju samaśviadomaść».
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?2
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary