Udzielniki pasiadžeńnia Savieta kiraŭnikoŭ dziaržaŭ SND pryniali siońnia ŭ Minsku 15 dakumientaŭ.
U ich liku: zvarot udzielnikaŭ samitu da suśvietnaj hramadskaści ŭ suviazi z 70-j hadavinaj Pieramohi ŭ Vialikaj Ajčynnaj vajnie; zajava «Ab zachavańni i ŭmacavańni mižnarodnaj sistemy kantrolu nad narkotykami»; rašeńni ab raźvićci mižrehijanalnaha supracoŭnictva krain SND, ab realizacyi miždziaržaŭnaj prahramy «Kulturnyja stalicy Sadružnaści», «Ab prahramie supracoŭnictva krain SND u procidziejańni niezakonnaj mihracyi na 2015—2019 hady», «Ab kancepcyi supracoŭnictva dziaržaŭ — udzielnic SND u procidziejańni handlu ludźmi».
Akramia taho, kiraŭniki dziaržaŭ SND pryniali pahadnieńnie ab paradku farmiravańnia i prymianieńnia sumiesnych hrup śpiecyjalistaŭ (ekśpiertaŭ) pahraničnych viedamstvaŭ dla chutkaha reahavańnia na pahrozy pahraničnaj biaśpieki na źniešnich miežach dziaržaŭ Sadružnaści. Padpisany pratakoł ab uniasieńni źmienaŭ u pahadnieńnie ab utvareńni savieta kiraŭnikoŭ padraździaleńniaŭ finansavaj raźviedki dziaržaŭ — udzielnic SND ad 5 śniežnia 2012 hoda i šerah inšych.
2016 hod u SND vyrašana abviaścić Hodam adukacyi.
Usie ŭdzielniki pasiadžeńnia zadavolenyja jaho vynikami, zajaviŭ žurnalistam Nursułtan Nazarbajeŭ, prezident Kazachstana, jaki ŭ 2015 hodzie budzie staršynstvavać u SND. Nazarbajeŭ nazvaŭ SND «unikalnaj palityčnaj prastoraj dla ŭmacavańnia ab`iadnańnia krain Sadružnaści», padkreśliŭšy, što inšaj takoj placoŭki niama.
U samicie SND uziali ŭdzieł prezidenty 10 z 11 krain Sadružnaści: Azierbajdžana, Armienii, Biełarusi, Kazachstana, Kyrhyzstana, Małdovy, Rasii, Tadžykistana, Turkmienistana, Uźbiekistana. Ukraina była pradstaŭlenaja pasłom Michaiłam Ježalem.
Nastupnaje pasiadžeńnie Savieta kiraŭnikoŭ dziaržaŭ SND płanujecca pravieści vosieńniu 2015 hoda ŭ Astanie. Čakajecca, što ŭ 2016 hodzie staršynioj u SND budzie Kyrhyzstan.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary