Litva stvaraje siły chutkaha reahavańnia, jakija mahli b nieadkładna i z dastatkovaj bajavoj mahutnaściu spynić dziejańni voraha na svajoj terytoryi, kali niama aficyjnaha abviaščeńnia vajny. Naprykład, pieramahčy «zialonych čałaviečkaŭ».
Heta pavinna dapamahčy ŭ vypadku, kali, naprykład, u Litvie paŭtaryŭsia b ukrainski scenar, kali na terytoryi krainy dziejničali tak zvanyja «zialonyja čałaviečki».
Pra heta 13 kastryčnika paviedamiŭ ministr abarony Juozas Alekas i kamandarm hienierał-major Jonas Vitaŭtas Žukas. Jany pradstavili prajekt zakona, jaki dazvalaje prymianieńnie vajennaj siły na terytoryi krainy ŭ mirny čas. Novyja zakanadaŭčyja i praktyčnyja miery nakiravany na reahavańnie armii na pahrozy niekanviencyjnaj vajny. Hety prajekt zakona 13 kastryčnika byŭ zarehistravany ŭ parłamiencie.
Pa słovach Alekasa, u pracesie padrychtoŭki prajekta razhladali dośvied inšych krain, uklučajučy Ukrainu. U vyniku pryjšli da vysnovy, što dla dziejsnaj reakcyi armii niedastatkova zakanadaŭčaj bazy.
Pa słovach ministra, u armii pavinny być paŭnamoctvy naležnym čynam, svoječasova reahavać na incydenty na terytoryi Litvy, jakija mohuć pradstaŭlać pahrozu terytaryjalnaj cełasnaści krainy.
Pa słovach Žukasa, vyrašana sfarmiravać i padrychtavać siły chutkaha reahavańnia, jakija mahli b chutka reahavać na niekanviencyjnyja pahrozy na terytoryi krainy. u skład hetych sił ŭvajšli b elemienty VPS, śpiecapieracyj i łahistyka. Usiaho — 2500 vajskoŭcaŭ.
Pa słovach pradstaŭnikoŭ Ministerstva abarony, papraŭki da zakonaŭ byli nieabchodnyja, kab Litoŭskaja armija mahła zhurtavać peŭnyja mahutnaści i sfarmavać siły chutkaha reahavańnia, jakija mahli b nieadkładna reahavać na pahrozy i spynić varožyja dziejańni na terytoryi krainy, kali niama aficyjnaha abviaščeńnia vajny.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary