Staršynia Viarchoŭnaj Rady Ukrainy Alaksandr Turčynaŭ na pasiadžeńni Parłamienta ŭ paniadziełak inicyjuje razhlad pytańnia ab zabaronie rasijskich telesieryjałaŭ na ŭkrainskich telekanałach.
«Ja całkam padtrymlivaju pazicyju kambataŭ ab niedapuščalnaści tranślavać pa ajčynnych telekanałach miedyja-pradukt, u pryvatnaści telesieryjały, jakija hieraizujuć vorahaŭ našaj dziaržavy, tych, chto raźviazaŭ i ŭsialak padtrymlivaje vajnu va Ukrainie», — raspavioŭ Turčynaŭ.
Siońnia, 18 kastryčnika, byŭ abnarodavany tekst lista kamandziraŭ dobraachvotnickich padraździaleńniaŭ prezidentu Ukrainy Piatru Parašenku. List padpisali kamandzir pałka «Dniapro-1» Juryj Biaroza, kamandzir bataljona «Danbas» Siamion Siamienčanka i kamandzir bataljona «Miratvorac» Andrej Cieciaruk.
«Spadar prezident, čamu, kali ŭviečary ŭklučyć televizar, stvarajecca ŭražańnie što ŭ našaj krainie niama vajny? Čamu na ŭkrainskich kanałach pakazvajuć rasijskija sieryjały, dzie hierojami robiać našych vorahaŭ? Čamu našy maci, dzieci, lubimyja vymušanyja hladzieć sieryjały pra hierojaŭ, jakija źjaŭlajucca rasijskimi vajennymi? Ludzi z šaŭronam RF i jaje vajennych struktur zabivajuć nas!» — zajavili kambaty.
Akramia taho, kamandziry dobraachvotnickich padraździaleńniaŭ zaprasili ŭładalnikaŭ telekanałaŭ pabyvać u zonie bajavych dziejańniaŭ: «Chaj schodziać choć raz u raźviedku, paśpiać ŭ akopach pad artyleryjskimi abstrełami «Hradaŭ» i «Bukaŭ», mahčyma, tady jany zapomniać, jak vyhladaje vorah».
Kamientary