U Rasii pačali kryminalnuju spravu za vieršy ŭ padtrymku Ukrainy
U Rasii na paeta Alaksandra Byŭšava zaviali dźvie kryminalnyja spravy pa padazreńni ŭ ekstremiźmie z-za jaho vieršaŭ u padtrymku terytaryjalnaj cełasnaści Ukrainy.
Pra heta Korriespondient.net paviedamiŭ sam aŭtar tvoraŭ.
U pryvatnaści, u vieršach jość takija radki: «My – sołdaty Stiepana Bandiery, čto fašisty nam, čto moskali», «Na vsi pidstupnosti moskalśkoji bandi, otvieťtie po-bandierovski, druźja: «Chaj zachlinuťsia krovju okupanti!»
Spravy razhladajuć u rodnym pasiołku paeta Kromnach (Arłoŭskaja vobłaść), i na dniach rasśledavańnie praciahnuli jašče na miesiac. Byŭšava padazrajuć u ekstremiźmie, u pryvatnaści, u niehatyŭnych vykazvańniach ab hrupie asob pa sacyjalnaj i nacyjanalnaj prykmiecie, zaklikach da procipraŭnych dziejańniaŭ i raspalvańnia mižnacyjanalnaj varožaści. Akramia taho, paśla ŭzbudžeńnia spraŭ paeta zvolnili z pracy ŭ sielskaj škole, dzie jon vykładaŭ niamieckuju movu.
«Usiaho Ukrainie i padziejam vakoł jaje ja pryśviaciŭ kala dziasiatka vieršaŭ, — raspavioŭ paet. — Sprava ŭ tym, što ŭva mnie ciače u tym liku i ŭkrainskaja kroŭ — maja mama (narodžanaja Kiryjenka) naradziłasia pad Ščorsam Čarnihaŭskaj vobłaści. Akramia taho, ja pryvyk zaŭsiody pastupać pa sumleńni, jak mianie vychavali baćki, i nie paddavacca masavaj isteryi, žyć svaim rozumam».
Pieršuju kryminalnaja spravu zaviali na paeta ŭ mai za vierš «Ukrainskim patryjotam», jaki spačatku byŭ apublikavany ŭ sietcy «Vkontaktie», a paźniej źjaviŭsia va ŭkrainskich ŚMI. A ŭ lipieni prakuratura adkryła spravu za tekst «Ukrainskim paŭstancam».
Pry hetym, pavodle słoŭ padazravanaha, maskoŭskaja Hildyja linhvistaŭ pa dakumientacyjnych i infarmacyjnych sprečkach «Hłedzis» nie znajšła ŭ tekście «Ukrainskich patryjotaŭ» nijakich prykmiet ekstremizmu. Ale hetyja vyniki miascovaja prakuratura nie pryznała i pryznačyła paŭtornuju ekśpiertyzu. Paśla jaje, 3 kastryčnika, vierš pryznali ekstremisckim, a daśledavańnie ekśpiertaŭ z «Hłedzis» — nieabjektyŭnym.
«Sud prysłuchaŭsia nie da dumki maskoŭskich śpiecyjalistaŭ, siarod jakich było dvoje daktaraŭ navuk i adzin akademik, a da dźviuch maładych supracoŭnic EKC MUS Rasii, jakija nie majuć nijakich vučonych zvańniaŭ i navukovych prac», — raspavioŭ Byŭšaŭ. Jon dadaŭ, što adna z supracoŭnic zajmajecca padobnymi ekśpiertyzami tolki z 2013 hoda.
U chodzie pracesu dom Byŭšava abšukali, a sam paet pastajanna atrymlivaje pahrozy ŭ sacsietkach i pa elektronnaj pošcie.
Jon maje namier padavać apielacyi ŭ abłasny i Viarchoŭny sudy, a kali heta ničoha nie daść, budzie źviartacca ŭ Jeŭrapiejski sud. Pavodle novaha zakonu ab ekstremiźmie aŭtaru vieršaŭ pahražaje da čatyroch hadoŭ turmy abo astranamičny štraf. Byŭšaŭ adznačyŭ, što palityčny składnik pracesu nad im vidavočny.
Kamientary