Kniha maje nazvu «Žyćcio ŭ praŭdzie» i źmiaščaje siem suśvietnaviadomych prahramnych ese Vacłava Haŭła pieryjadu jaho dysidenctva ŭ ČSSR (u tym liku «Siła biaśsilnych», «Historyja i tatalitaryzm» abo «Słova pra słova»), i stolki ž pramoŭ aŭtara časoŭ jaho prezidenctva. Kniha, aproč ułasna tvoraŭ Haŭła, utrymlivaje taksama «Dekłaracyju Chartyi-77», da stvareńnia jakoj aŭtar mieŭ niepasrednaje dačynieńnie, i karotki ahlad jahonaha žyćcia ŭ datach.
Pradstaŭlenyja teksty dajuć jaskravaje ŭjaŭleńnie pra nadzvyčajnuju hłybiniu i abjomnaść myśleńnia češskaha humanista i hramadskaha dziejača. Navat praz šmat hadoŭ paśla svajho napisańnia, ese i pramovy vielmi nadzionna hučać i dla biełaruskaj situacyi.
Kniha vyjšła ŭ vydaviectvie «Łohvinaŭ» i stała dziaviataj u sieryi «Češskaja kalekcyja». Ese Haŭła pierakłali na biełaruskuju movu Siarhiej Smatryčenka i Julija Smatryčenka, pradmovu napisaŭ Lavon Barščeŭski.
Prezientacyja knihi «Žyćcio ŭ praŭdzie» adbudziecca 24 kastyčnika ŭ halerei Ŭ (Niezaležnaści 37a). Padčas prezientacyi vystupić Nadzvyčajny i Paŭnamocny Pasoł Češskaj Respubliki ŭ Respublicy Biełaruś Miłan Ekiert, a taksama adbudziecca sceničnaja čytka adnaaktavaj pjesy Vacłava Haŭła «Pratest». Pačatak a 18-j. Uvachod – volny.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie, aryštavali 1,8 młn jeŭra na jaje rachunkach23
Kamientary