Pytańnie «Ci mahčyma kiravać kulturaj?» siońnia źmianiłasia pytańniami «Jak kiravać kulturaj?» i «Jak nieabchodna myślić kulturu, kab kiravać?» Kultura stała niaźmiennaj častkaj stratehii raźvićcia krain. Kali ŭ Rymskim dahavory paniatak kultury navat nie zhadvajecca, to ŭ 2000-ja hh. raspracoŭvajucca stratehii doŭhaterminovaha raźvićcia ŭ śfiery kultury – «Jeŭrapiejski paradak dnia dla kultury ŭ śviecie, jaki hłabalizujecca» i Lisabonskaja stratehija, dzie «tvorčaść» vystupaje asnovaj sacyjalnych i techničnych inavacyj i klučavym faktaram rostu, a kultura źjaŭlajecca krynicaj tvorčaści.
Jak u hetych dakumientach adlustroŭvajecca novaja technałahičnaja revalucyja, ustanoŭki multykulturalizmu, suadnosiny daminujučych i subkulturnych tendencyj, ścirańnie miežaŭ pamiž «vysokaj» i «nizkaj» kulturaj? Jak u jeŭrapiejskich krainach z vuzkaj prafiesijnaj śfiery kultura stanovicca skraznym resursam žyćciadziejnaści hramadstva? Jak adbyvajecca transfarmacyja kultury ad elitarnaha baŭleńnia času da paŭsiadzionnych praktyk bolšaści? Jak źmianiajecca status kultury ad «raskošy, jakaja patrabuje padtrymki» da asnovy ekanamičnych i sacyjalnych inviestycyj?
Ci moža dośvied Jeŭropy być karysnym u kiravańni kulturaj u Biełarusi razvažaje brytanski kulturołah Tery Sandeł.
Lekcyja Tery Sandeła «Kultura jak uznaŭlalny resurs. Transfarmujučaja rola kultury ŭ ES» adbudziecca 31 kastryčnika a 19.00 u halerei «Ŭ» (pr. Niezaležnaści 37a)
* * *
Tery Sandeł - Dyrektar Cultural Futures LLP, staršy navukovy supracoŭnik Saint Antony's College Oksfardskaha univiersiteta i staršy savietnik Prahramy ES pa kultury ŭ miežach Uschodniaha partniorstva.
Kamientary