«Nielha dumać, što ŭ Biełarusi niama sił, hatovych zmahacca za Rasiju. My ich znajšli i pakažam vam», — piša resurs 1863x.com.
«Redakcyja vyrašyła prykinucca prostymi chłopcami, ź vielmi «vatnymi» pohladami, jakija šukajuć adnadumcaŭ unutry Biełarusi. Znachodzim hłamurnaha chłopca, ź vialikaj kolkaściu praruskich padpisak. Voś jaho staronka — https://vk.com/id7123641.
Zahadzia kažam, što da Ramana nie adčuvajem niehatyvu, ličačy jaho achviaraj zvyčajnaj ideałahičnaj vajny. Roma, kali budzieš čytać hetyja radki — ty ž narmalny chłopiec, biažy adtul.
Paśla karotkich tłumačeńniaŭ, što my baimsia biełaruskich «pravasiekaŭ i banderaŭcaŭ», jakija chočuć zładzić Majdan na vybarach u 2015-m, sprava pajšła bližej da sutnaści.
Zadajom navadnyja pytańni, namiakajučy, što «Łukašenka ŭklučyŭ biełaruskaha nacyjanalista».
Voś hetaja fraza čamuści nam padałasia padazronaj, i dalejšaja razmova apraŭdała čakańni.
Voś tak siurpryz. Stali raspytvać padrabiaźniej.
Akazvajecca, biełaruskija kazaki źviazanyja z 45-m asobnym vyviedvalnym pałkom — śpiecnazam VDV. Heta elita z elitaŭ, samyja bajazdolnyja častki ŭ rasijskaj armii. Jany ŭdzielničali va ŭsich značnych vojnach Rasijskaj Fiederacyi. Nie zastaŭsia hety połk u baku i ad ukraina-rasiejskaj vajny.
Aha, heta značyć kali biełaruskija kazaki ŭžo adkryta nie saromiejucca kazać pačatkoŭcam (a Raman pačatkoviec), što jany płanujuć rabić u dalejšym. Zajšoŭšy na sajt kazak.by, my bačym padrychtoŭku «atradaŭ samaabarony» va ŭsioj krasie.
Samaje žudasnaje, što jany vykarystoŭvajuć u svaich metach zvyčajnych biełaruskich dziaciej. Baćki addajuć ich na vychavańnie, dumajučy što heta spartyŭna-azdaraŭlenčy hurtok, a tam dziaciej pieratvarajuć u pravasłaŭnych bajavikoŭ.
Pryčym usio adbyvajecca pry poŭnaj padtrymcy ŭładaŭ.
Chłopcy, źviazanyja z kazakami, prasiaknuty ducham vajny. Jany dumajuć pra zbroju, pastajanna jeździać i adpracoŭvajuć taktyku viadzieńnia bajoŭ.
Takim čynam, spadarstva, my narešcie možam zajavić: u nas źjaviłasia sapraŭdnaja piataja kałona, a nie «falšyŭka, zroblenaja ŭ Polščy», reziumuje 1863x.com.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary