U stalicy krainy Uahaduhu praciahvajucca masavyja antyprezidenckija pratesty. Prezident Burkina-Faso Błez Kampaare abviaściŭ u krainie nadzvyčajnaje stanovišča dy raspuściŭ urad, kab pratesty spynić.
Błez Kampaare zajmaje pasadu prezidenta 27 hadoŭ zapar.
Ahresiŭnyja pratestoŭcy padpalili budynak parłamienta dy inšych uradavych ustanoŭ, kab prymusić deputataŭ nie ŭnosić źmieny ŭ kanstytucyju, jakija dazvolili b prezidentu bałatavacca na vybarach u nastupnym hodzie.
Pratestoŭcy sabralisia na centralnaj płoščy va Uahaduhu, patrabujučy nieadkładnaj adstaŭki prezidenta Kampaare. Vajskoŭcy adkryli ahoń pa demanstrantach, što pačali šturmavać parłamient. Zahinuŭ adzin čałaviek.
Dziasiatki sałdat dałučylisia da pratestoŭcaŭ, u tym liku były ministr abarony, hienierał Kuami Łoh. Pratestoŭcy patrabujuć, kab jon zaniaŭ pasadu prezidenta. Heta adzin z samych surjoznych pratestaŭ suprać praŭleńnia Kampaare.
«Nadzvyčajnaje stanovišča abjaŭlena pa ŭsioj terytoryi krainy. Kiraŭnik uzbrojenych sił adkazvaje za vykanańnie hetaha rašeńnia», — havorycca ŭ zajavie prezidenta.
«Ja raspuskaju ŭrad siońnia, kab stvaryć umovy dla źmien. Ja zaklikaju lidaraŭ palityčnaj apazicyi spynić pratesty. Ja abiacaju z hetaha času pačać pieramovy z usimi ŭdzielnikami, kab spynić kryzis», — havorycca ŭ zvarocie prezidenta.
Apazicyja zaklikała da kampanii hramadzianskaha niepadparadkavańnia i zapatrabavała, kab prezident nie ŭdzielničaŭ u vybarach u nastupnym hodzie.
«30 kastryčnika ŭ Burkina-Faso Čornaja viasna, jak Arabskaja viasna», — skazaŭ aktyvist apazicyi Emil Parh Pare ahienctvu AFP.
Hałoŭny aeraport zaraz začynieny. Raniej praz Twitter prezident Kampaare zaklikaŭ zachoŭvać spakoj.
Błez Kampaare pryjšoŭ da ŭłady ŭ vyniku dziaržaŭnaha pieravarotu ŭ 1987 hodzie, i z taho času čatyry razy vyjhraŭ vybary.
Kampaare źjaŭlajecca sajuźnikam ZŠA i Francyi, jakija vykarystoŭvajuć Burkina-Faso jak bazu dla vajennych apieracyj suprać isłamistaŭ u rehijonie Sachiela.
I Francyja, i Jeŭrapiejski sajuz raniej zaklikali jaho admovicca ad prapanavanaj papraŭki da kanstytucyi. ZŠA taksama vykazali zakłapočanaść adnosna kanstytucyjnych źmienaŭ.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal6
Kamientary