Labiedźka: Palitviazień Statkievič budzie kandydatam u prezidenty
Lidar Abjadnanaj hramadzianskaj partyi ŭ aŭtorak pravioŭ pres-kanfierencyju ŭ Minsku.
Anatol Labiedźka, lidar AHP, 25 listapada zrabiŭ zajavu na pres-kanfierencyi ŭ Minsku. Pavodle jaho słoŭ, palitviazień Mikoła Statkievič (jon za kratami znachodzicca sa śniežnia 2010 hoda) budzie kandydatam u prezidenty Biełarusi. «My jaho padtrymajem. My hatovyja vystavić jaho kandydatam, ale razumiejem, što jaho nie zarehistrujuć», — zajaviŭ Labiedźka.
Druhim kandydatam u prezidenty budzie sam Anatol Labiedźka. Ale jon pakidaje za saboj prava źniacca z vybaraŭ.
Inicyjatyŭnaja hrupa pa vyłučeńniu kandydataŭ u prezidenty moža być stvorana ŭžo sioleta.
Hanarovy staršynia AHP Stanisłaŭ Bahdankievič zajaviŭ, što kali palityčnyja siły, jakija vystupajuć za praviadzieńnie kanhresu demakratyčnych siłaŭ (dla abrańnia na im adzinaha kandydata ŭ prezidenty), nie majuć svaich kandydataŭ, tady niama sensu u hetym mierapryjemstvie.
Nahadajem, prezidenckija vybary ŭ Biełarusi projduć u 2015 hodzie.
Mikołu Statkieviču 58 hadoŭ. Jon — padpałkoŭnik zapasu, eks-kandydat u prezidenty, dziejač sacyjał-demakratyčnaha ruchu. U traŭni 2011 hoda byŭ asudžany na 6 hadoŭ źniavoleńnia «za arhanizacyju masavych biesparadkaŭ» 19 śniežnia 2010-ha ŭ Minsku. Palitviazień znachodzicca ŭ mahiloŭskaj turmie № 4. Vyzvaleńnia Mikoły Statkieviča, jak i inšych palitviaźniaŭ, patrabujuć ad uładaŭ Biełarusi Jeŭrasajuz i ZŠA.
Apytanka
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu30
Kamientary