Лябедзька: Палітвязень Статкевіч будзе кандыдатам у прэзідэнты
Лідар Аб'яднанай грамадзянскай партыі ў аўторак правёў прэс-канферэнцыю ў Мінску.
Анатоль Лябедзька, лідар АГП, 25 лістапада зрабіў заяву на прэс-канферэнцыі ў Мінску. Паводле яго слоў, палітвязень Мікола Статкевіч (ён за кратамі знаходзіцца са снежня 2010 года) будзе кандыдатам у прэзідэнты Беларусі. «Мы яго падтрымаем. Мы гатовыя выставіць яго кандыдатам, але разумеем, што яго не зарэгіструюць», — заявіў Лябедзька.
Другім кандыдатам у прэзідэнты будзе сам Анатоль Лябедзька. Але ён пакідае за сабой права зняцца з выбараў.
Ініцыятыўная група па вылучэнню кандыдатаў у прэзідэнты можа быць створана ўжо сёлета.
Ганаровы старшыня АГП Станіслаў Багданкевіч заявіў, што калі палітычныя сілы, якія выступаюць за правядзенне кангрэсу дэмакратычных сілаў (для абрання на ім адзінага кандыдата ў прэзідэнты), не маюць сваіх кандыдатаў, тады няма сэнсу у гэтым мерапрыемстве.
Нагадаем, прэзідэнцкія выбары ў Беларусі пройдуць у 2015 годзе.
Міколу Статкевічу 58 гадоў. Ён — падпалкоўнік запасу, экс-кандыдат у прэзідэнты, дзеяч сацыял-дэмакратычнага руху. У траўні 2011 года быў асуджаны на 6 гадоў зняволення «за арганізацыю масавых беспарадкаў» 19 снежня 2010-га ў Мінску. Палітвязень знаходзіцца ў магілёўскай турме № 4. Вызвалення Міколы Статкевіча, як і іншых палітвязняў, патрабуюць ад уладаў Беларусі Еўрасаюз і ЗША.
Апытанка
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары