U Biełarusi dazvolać raźviadzieńnie dzikoŭ u palaŭničych valjerach
Heta praduhledžana vieterynarna-sanitarnymi praviłami ŭtrymańnia i vykarystańnia dzikoŭ u palaŭničych valjerach, zaćvierdžanymi pastanovaj Savieta Ministraŭ ad 21 listapada 2014 hoda.
«Raniej raźviadzieńnie dzikoŭ u valjerach było pad zabaronaj, pakolki isnavali bojaź, što žyvioły mohuć zarazicca i raspaŭsiudzić chvaroby, jakija mohuć pieradavacca čałavieku. Adnak z ulikam taho, što valjera źjaŭlajecca abmiežavanaj terytoryjaj, razvodzić tam dzikoŭ budzie dazvolena pry ŭmovie vykanańnia asablivych achoŭnych mier», — rastłumačyŭ kansultant adździeła palaŭničaj haspadarki Ministerstva lasnoj haspadarki Vital Bandarevič.
Vieterynarna-sanitarnymi praviłami praduhledžany abaviazkovyja dla vykanańnia patrabavańni da ŭmoŭ utrymańnia dzikoŭ u valjerach i vykarystańnia žyvioł. Uładalniki valjeraŭ abaviazany buduć zabiaśpiečyć najaŭnaść vieterynarnaha sanitarnaha prapusknika — kapitalnaha zbudavańnia, praź jakoje buduć prachodzić asoby, jakija pracujuć u palaŭničych valjerach i ažyćciaŭlajuć valjernaje palavańnie. Treba abstalavać harderobnyja z šafami dla chatniaha adzieńnia, zamacavanymi za kožnaj asobaj, jakaja pracuje tam, dušavyja pakoi sa skraznym prachodam, harderobnyja dla śpiecadzieńnia (adzieńnia dla palavańnia), adździaleńni dla dezynfiekcyi, myćcia i suški śpiecadzieńnia i śpiecabutku. Nieabchodna zabiaśpiečyć rabotnikaŭ śpiecadzieńniem, a tych, chto ažyćciaŭlaje valjernaje palavańnie, — adzieńniem dla palavańnia. Pavinny być abstalavany pamiaškańni dla pryjomu ježy, treba arhanizavać zbor i źniščeńnie charčovych adkidaŭ, stvaryć pamiaškańni i dla raźbirańnia i zachoŭvańnia miasa i praduktaŭ zaboju, atrymanych pry zdabyčy dzikoŭ u valjerach. U asobnym pamiaškańni pavinny zachoŭvacca dezynficyrujučaje abstalavańnie i dezynficyrujučyja srodki. Ujezd transpartnych srodkaŭ na terytoryju palaŭničaj valjery i ich vyjezd z hetaj terytoryi pavinny buduć ažyćciaŭlacca praz pastajanna dziejučyja dezbarjery.
Pry ŭźniknieńni padazreńnia na zachvorvańnie dzikoŭ uładalniki valjeraŭ pavinny nieadkładna paviedamić ab hetym hałoŭnamu dziaržaŭnamu vieterynarnamu ŭraču rajona — hałoŭnamu dziaržaŭnamu vieterynarnamu inśpiektaru rajona, na terytoryi jakoha znachodzicca palaŭničaja valjera.
Usie tušy dzikoŭ, zdabytych na terytoryi palaŭničych valjeraŭ, padlahajuć ahladu, a pradukty žyviolnaha pachodžańnia — abaviazkovym vieterynarna-sanitarnaj ekśpiertyzie i vieterynarnamu klejmavańniu, što ažyćciaŭlajucca śpiecyjalistami vieterynarnaj słužby, jakija prajšli atestacyju na prava praviadzieńnia vieterynarna-sanitarnaj ekśpiertyzy praduktaŭ žyviolnaha pachodžańnia.
Palaŭničyja trafiei dzika (ikły) padlahajuć termičnaj apracoŭcy pry tempieratury nie nižejšaj za 85 hradusaŭ pa Celsiju na praciahu nie mienš jak 30 chvilin.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie10
Kamientary