Muzyčny redaktar radyjostancyi Darja Paciechina adkryta zajaviła, što pieśni na biełaruskaj movie nie racirujucca ŭ ich efiry.
Toje, što bolšaść biełaruskich radyjostancyj ličać kampazicyi žorstkim niefarmatam tolki za toje, što jany praśpiavanyja na biełaruskaj movie, paćvierdziłasia čarhovy raz.
Lidar hurtu HandmadE Jaŭhien Vałošyn sutyknuŭsia z admovaj, kali prapanavaŭ da ratacyi na radyjo «Viciebsk» svaju novuju kampazicyju «Niamoje kino». Muzyčny redaktar radyjostancyi Darja Paciechina atrymaŭšy kampazicyju adrazu papiaredziła ŭ karektnaj formie, što kampazicyi na biełaruskaj movie jany nie staviać.
«Nie chaču, kab heta vyhladała na skarhu, bo dziaŭčyna z radyjo z uvahaju pastaviłasia da majho zvarotu, pasłuchała, adkazała. Prosta takaja situacyja skłałasia kankretna ŭ Viciebsku, ja dumaju. Dajuć svaje vyniki pomniki prarasijskim dziejačam. Dy jašče moža niedahlad miascovaha adździeła kultury, jaki kuryruje hetaje radyjo», – prakamientavaŭ dla Tuzin.fm hety vypadak lider HandMadE.
Pieśni hetaha hurtu racirujucca na inšych biełaruskich dziaržaŭnych radyjostancyjach, u pryvatnaści na radyjo «Hrodna», «Minskaja chvala», radyjo «Stalica». Hurt taksama pastajanna zaprašajuć na zdymki telekanał ANT.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary